№ 5 (276) 3 лютага 2011
Масава-палітычная газета. Выдаецца з сакавіка 2002 г.
/ Святлана Байкова
Аўтар: -
Дата: пят, 05/03/2010 - 09:43
Дата: пят, 05/03/2010 - 09:43
КДБ арыштаваў следчую па асабліва важных справах Генеральнай пракуратуры Беларусі Святлану Байкову. Байкова расследавала справы, звязаныя з карупцыяй у КДБ і міліцыі. У 2000-х гадах следчая вяла справу пра знікненне экс-міністра ўнутраных спраў Юрыя Захаранкі. Праз два гады гэту справу ў Байковай забралі.
Як піша «Ежедневник», арышт звязаны з апошняй справай, якую расследавала Святлана Байкова. Абвінавачванымі па ёй праходзілі былы дырэктар Дэпартамента фінансавых расследаванняў, генерал КДБ у адстаўцы, іншыя высокапастаўленыя асобы, а таксама некалькі дзесяткаў супрацоўнікаў мытні. Таксама выданне са спасылкай на свае крыніцы ў сілавых ведамствах паведамляе, што «справа Байкавай — толькі пачатак. Нібыта КДБ «дадзена каманда «апусціць» пракуратуру і суды», паказаўшы ўзровень карупцыі ў гэтых структурах. Разам з тым ўзгадваецца, што Святлану Байкову калегі ведалі як надзвычай прынцыповага і сумленнага следчага. Прыкладна за месяц да свайго арышту Святлана гаварыла журналісту «Ежедневника», што над ёй згушчаюцца хмары і працаваць у такіх умовах яна больш не можа, таму хоча сысці ў адстаўку.
Генеральны пракурор Рыгор Васілевіч заявіў Інтэрфаксу, што дакладна не ведае, у чым падазраюць супрацоўніка яго ведамства, і выказаў меркаванне, што з боку Байковай маглі быць зафіксаваныя «парушэнні працэсуальнага характару».
За апошні час у Беларусі было некалькі гучных крымінальных спраў з удзелам прадстаўнікоў сілавых ведамстваў. Гэта звязваюць з «вайной» паміж КДБ і МУС, а таксама расчысткай поля для дзейнасці новых лідэраў у атачэнні кіраўніка дзяржавы, у прыватнасці размова ідзе пра Віктара Лукашэнку.
.jpg)
Пакінуць новы каментар