міжнародныя навіны

Украіна. Новы закон аб моўнай палітыцы

Mon, 06 Feb 2012 15:00:07 +0000

Напярэдадні выбарчай кампаніі ў Вярхоўную Раду, Партыя рэгіёнаў, як заўсёды, узгадала пра “другаснасць” рускай мовы. Нагадаем, што гэта фішка ўсіх электаральных кампаній бела-блакітных, якая раней стала прыносіла ім галасы рускамоўных жыхароў Усходняй і Паўднёвай Украіны. Праўда, пасля прыходу да ўлады стаўленне рэгіяналаў да гэтай праблемы станавіліся больш асцярожным. Пра дадзенае падчас выбараў абяцанне надаць рускай мове дзяржаўны статус палітыкі хутка забываліся. Аднак на гэты раз сітуацыя больш сур’ёзная.Чытаць далей »

Германія. Юбілей закону пра забарону на прафесіі

Fri, 03 Feb 2012 07:57:09 +0000

Немцы ўзгадваюць 40-ю гадавіну закону пра забарону на прафесіі. Закон быў прыняты 22 студзеня 1972 года на пасяджэнні рады міністраў ФРГ пад кіраўніцтвам сацыял-дэмакрата Віллі Брандта. Міністры прынялі рашэнне забараніць асобам з радыкальнымі поглядамі займаць дзяржаўныя пасады. У выніку з дзяржаўных устаноў — галоўным чынам школ і ВНУ — было выкінута каля 11 тысяч чалавек. Паколькі яснай фармулёўкі, хто такія экстрэмісты, не было, пад каток рэпрэсій трапілі сябры зарэгістраваных левых арганізацый, галоўным чынам Кампартыі.Чытаць далей »

Казахстан. 1937-ы год вяртаецца

Fri, 03 Feb 2012 07:56:31 +0000

У Казахстане вялікі хапун. Генпракуратура Казахстана кажа, што вызначыла арганізатараў снежаньскіх беспарадкаў у Жанаазене, калі як мінімум 16 чалавек загінулі і дзясяткі атрымалі раненні. Усе арганізатары арыштаваныя, ім прад’яўлены абвінавачванні. Гаворка ідзе не толькі пра непасрэдных удзельнікаў хваляванняў. Да адказнасці вырашылі прыцягнуць лідара апазіцыйнай партыі “Алга” Уладзіміра Казлова, іншых апанентаў прэзідэнта Назарбаева, а таксама галоўнага рэдактара апазіцыйнай газеты “Взгляд” Ігара Віняўскага.Чытаць далей »

Украіна. Рыхтуецца дэпартацыя Цімашэнка

Fri, 03 Feb 2012 07:55:12 +0000

Уплывовы ўкраінскі палітолаг Віктар Небажэнка сцвярджае, што ва ўрадавых колах нарадзіўся план, як вырашыць праблему Юліі Цімашэнка, якая сядзіць у турэмнай калоніі за карупцыю. Нягледзячы на тое, што Юлію ізалявалі, яна застаецца героем СМІ. У дадатак кепска ўплывае на адносіны Кіева з Захадам. Януковічу застаецца шукаць сцэнар, які дазволіць пазбавіцца ад лэдзі Ю без страты рэйтынга. Такі план, калі верыць Небажэнку, складзены. Галоўную ролю ў ім будзе гуляць Аляксандр Цімашэнка — муж Юліі, які не так даўно атрымаў палітычны прытулак у Чэхіі.Чытаць далей »

Аўстрыя. Венскі баль — танцы фашыстаў

Fri, 03 Feb 2012 07:54:32 +0000

Аўстрыйская секцыя Арганізацыі ААН па пытаннях адукацыі, навукі і культуры (UNESCO) выкрасліла венскі бал са спісу значных культурных падзей. Такое рашэнне было прынята па просьбе праваабарончай арганізацыі SOS Mitmensch і нобелеўскага лаўрэата Эльфрыды Елінэк. Сваё патрабаванне яны матывавалі тым, што на балі выконваюцца выключна традыцыйныя нямецкія мелодыі, што супярэчыць культурнаму вобразу Вены, дзе жывуць прадстаўнікі шматлікіх нацый. Гэта, у сваю чаргу, быццам стварае Вене імідж фашысцкага горада. Кіраўніцтва Unesco падтрымала ініцыятыву пісьменніцы і праваабаронцаў.Чытаць далей »

Аўстралія. Дзень акупацыі Аўстраліі?

Thu, 02 Feb 2012 05:38:34 +0000

26 студзеня Аўстралія адзначае свята, прысвечанае пачатку каланізацыі мацерыка брытанцамі. Роўна 224 гады таму Лондан абвясціў пра тое, што 5-ты кантынент пераходзіць пад яго пратэктарат. І роўна 224 гады спатрэбілася,каб зразумець адну нестыкоўку таго гістарычнага акту. Аказваецца, Брытанія прысвоіла сабе Аўстралію без дамовы з абарыгенамі. Такім чынам, юрыдычна яна папросту акупавала край. Важна падкрэсліць, што Аўстралія — адзіная краіна ў Брытанскай Садружнасці, дзе не было практыкі заключаць дамовы паміж каланізатарамі і тубыльцамі.Чытаць далей »

Швейцарыя. Скончыць з дыскрымінацыя разведзеных

Wed, 01 Feb 2012 07:39:10 +0000

Кіраўнік фракцыі Партыі зялёных ў швейцарскім парламенце Антоніа Ходжэрс прапанаваў выключыць з адміністрацыйных дакументаў грамадзянскі статус "разведзены".Чытаць далей »

Кіргізія. Руская перастане быць дзяржаўнай мовай?

Tue, 31 Jan 2012 14:00:15 +0000

Кіргізскае грамадства спрачаецца, ці трэба захоўваць дзве афіцыйныя мовы — рускую і кіргізскую? Усе пачалося 11 студзеня, калі дэпутат ад фракцыі "Рэспубліка" Урулкан Аманбаева абурылася, чаму статс-сакратар Мінфіна выступае ў парламенце на рускай мове. Чыноўнік у сваю чаргу спаслалася на закон аб тым, што "дэпутаты, сябры ўрада маюць права выступаць на пасяджэннях парламента на афіцыйнай мове”, да гэтай катэгорыі таксама належыць руская. Тэма развівалася імкліва.Чытаць далей »

Украіна. Кіеў і Будапешт пасварыліся

Fri, 27 Jan 2012 08:04:11 +0000

Пасварыліся з-за нежадання ўкраінскага ўраду стварыць у Закарпацці асобны адміністратыўны венгерскі раён. Гэта патрабаванне закарпацкіх венграў актыўна падтрымліваў афіцыйны ўрад Венгрыі. Калі верыць украінскаму боку, Венгрыя нават выставіла Украіне ўльтыматум. Ён не толькі ўключаў пункт аб аўтаноміі, аднак таксама патрабаванне аб гарантаваным прадстаўніцтве венграў у Вярхоўнай Радзе Украіны. Пры гэтым венгерскі бок спасылаўся на свой нядаўна прыняты закон, які гарантуе ўкраінцам Венгрыі 14 месцаў у парламенце.Чытаць далей »

Расія. Сірыйскія чэркесы вяртаюцца на радзіму

Fri, 27 Jan 2012 08:03:34 +0000

Міжнародная чэркеская асацыяцыя мае намер дапамагчы вяртанню на гістарычную радзіму 115 чэркесаў, якія пражываюць у Сірыі. Прыняць рэпатрыянтаў гатовыя ўлады некалькіх паўночна-каўказскіх рэспублік, у якіх жывуць прадстаўнікі гэтага народа. Так, урад Кабардзіна-Балкарыі (КБР) ужо паведаміў пра рашэнне парламента рэспублікі звярнуцца да прэзідэнта Расіі з просьбай надаць выхадцам з цяперашняй Кабардзіна-Балкарыі права свабодна вярнуцца ў РФ.Чытаць далей »

Чэхія. Чэшскія цыгане стварылі партыю

Fri, 27 Jan 2012 08:01:46 +0000

Мала хто ведае, што нядаўняя смерць былога прэзідэнта Вацлава Гавэла выклікала смутак не толькі ў прагрэсіўнай грамадскасці, аднак і сярод чэшскіх цыган. Гавэл як праваабаронца заўсёды падтрымліваў правы гэтай этнічнай камуны, якая апошнім часам стала мішэнню для атак расістаў. Цяпер былога патрона няма, і абшчына цыган думае, што рабіць далей. Як вынік, узнікла ідэя стварэння асобнай цыганскай партыі, пра што абвясцілі на мінулым тыдні. Фармаванне называецца Партыя роўных магчымасцяў.Чытаць далей »

Іспанія. Памёр адзін з заснавальнікаў ЕТА

Fri, 27 Jan 2012 08:00:39 +0000

Ва ўзросце 82 гадоў у іспанскім Сан-Себасцьяна памёр Хасэ Эмпаранца. Ён быў жывой легендай баскскага нацыяналізму, нягледзячы на тое, што пачаў вывучаць баскскую мову дастаткова позна — у 17 гадоў. Аднак усё роўна ён увайшоў у гісторыю баскаў, паколькі ў 1959 годзе, 30-гадовым студэнтам, быў адным з заснавальнікаў падпольнай арганізацыі ЕТА. Да смерці Франка і дэмакратызацыі ў Іспаніі ЕТА лічылася флагманам нацыянальна-вызвольнага руху баскаў, нягледзячы на тое, што ўжывала тэрарыстычныя метады. У 1967 годзе з-за пераследу паліцыі Эмпаранца пакінуў Іспанію і вярнуўся толькі ў 1976-м.Чытаць далей »

Вялікабрытанія. Нарастае напружанасць вакол Фальклендаў

Wed, 25 Jan 2012 07:40:07 +0000

У гэтым годзе 2 красавіка будзе адзначацца 30-я гадавіна пачатку вайны паміж Вялікабрытаніяй і Аргенцінай за Фальклендскія (Мальвінскія) астравы. Быццам спецыяльна да невясёлага юбілею абедзве краіны выступаюць з шэрагам правакацыйных заяў. Так, Буэнас-Айрэс 1 студзеня абвясціў 2012-ы год годам Мальвінскіх астравоў і заявіў пра намер вынесці праблему іх вяртання ў міжнародныя судовыя інстанцыі. У сваю чаргу, брытанскі прэм’ер Дэвід Кэмеран 17 студзеня заявіў, што Лондан адмаўляецца ад любых перамоў наконт змены цяперашняга статуту архіпелага.Чытаць далей »

Казахстан. Першапродкі арыйцаў

Wed, 25 Jan 2012 07:38:02 +0000

Віцэ-прэзідэнт Казахстанскай нацыянальнай акадэміі прыродазнаўчых навук Ерэнгаіп Амараў зрабіў сенсацыйную заяву: прарадзіма арыйскай расы — не дзе-небудзь, а ў стэпах Казахстана. Прычым гэты факт, па словах навукоўца, быў вядомы яшчэ ў часы СССР, але не афішаваўся, каб не праводзіць паралель паміж міралюбнымі савецкімі казахамі і нямецкімі нацыстамі-заваёўнікамі. Па словах навукоўца, паселішчы, у якіх жылі арыйцы, былі знойдзеныя недалёка ад Кастаная.Чытаць далей »

Украіна. Вайна з білбордамі Януковіча

Tue, 24 Jan 2012 16:55:07 +0000

Украіну ахапіла незвычайная мода на тое, каб сапсаваць білборды з выявай Віктара Януковіча. Яшчэ з часоў Кучмы, па мясцовай палітычнай традыцыі, перад буйнымі афіцыйнымі святамі на вуліцах украінскіх гарадоў і ўздоўж дарог з’яўляюцца выявы кіраўніка краіны плюс яго віншаванне або цытата. Аднак білборды прэзідэнта на гэты Новыя год чамусьці выклікалі агрэсіўную рэакцыю. Падчас навагодніх і калядных святы невядомымі былі запэцканы фарбай віншавальныя білборды Януковіча ў Кіеве, Роўна, Львоўскай і Палтаўскай абласцях.Чытаць далей »