тыднёвы агляд

Жывем паціху…

Сяргей Салаўёў — Fri, 03 Feb 2012 08:38:55 +0000

Безумоўна, цэнтральнай падзеяй тыдня стала тое, што Вікторыя Азаранка выйграла адкрыты чэмпіянат Аўстраліі па тэнісе — першы з чатырох у сезоне турніраў Вялікага шлема — і ўпершыню ў кар’еры і гісторыі беларускага тэніса стала першай ракеткай свету.

Але цікава было назіраць за Аляксандрам Лукашэнкам, калі ён даведаўся пра перамогу Азаранкі. Ён бегаў з кута ў кут на гарналыжным курорце ў Сочы. І крычаў: «Налівай!» Гэты сюжэт паказалі па большасці цэнтральных тэлеканалаў.
Чытаць далей »

Пытанне на будучыню

Сяргей Салаўёў — Fri, 27 Jan 2012 09:09:57 +0000

Галоўнае пытанне на будучыню — ці атрымаецца замірэнне з Еўрапейскім саюзам з боку Беларусі? Здаецца, што не.

Пачынаецца са справы Бяляцкага. 24 студзеня Мінскі гарадскі суд не задаволіў касацыйную скаргу Алеся Бяляцкага, пакінуўшы ў сіле прыгавор суда Першамайскага раёна. Рашэнне судовай калегіі абвясціў 24 студзеня суддзя Уладзімір Сцяпурка.
Чытаць далей »

Перспектывы ў мінусе

Сяргей Салаўёў — Fri, 20 Jan 2012 09:20:42 +0000

Ні для каго не сакрэт, што нашы ўлады збольшага займаюцца эканамічнымі заклікамі, а не самой эканомікай. Пра паспяховы “выхад з крызісу” кажа і ўрад, і кіраўнік краіны, і праўладныя эканамісты. Але рэальнасць расстаўляе ўсё на свае месцы.

Напрыклад, згодна з зацверджаным Прагнозам сацыяльна-эканамічнага развіцця Беларусі на 2012 год, рост ВУП павінен скласці 5–5,5%. Гэта ў тыя часы, калі свет чакае другую хвалю эканамічнага крызісу. Але існуюць і іншыя прагнозы — ад незалежных эканамістаў.
Чытаць далей »

З чым прыйшлі? І з чым сышлі?

Сяргей Салаўёў — Fri, 13 Jan 2012 09:58:10 +0000

Канешне, беларусы адсвяткавалі Новы год. Але, здаецца, дагэтуль нам будзе “аукацца” год мінулы, і ніякіх перспектыўных надзеяў на 2012 год мы не маем.
Чытаць далей »

Не новы год

Сяргей Салаўёў — Fri, 06 Jan 2012 10:33:25 +0000

Насуперак усялякім заклікам кіраўніка краіны аб тым, што Беларусь у 2012 годзе чакаюць лепшыя часы (прынамсі, лепшыя за 2011 год), такія аптымістычныя прагнозы не спраўджваюцца. Беларусь увайшла ў новы год са старымі праблемамі. І са старымі прагнозамі, у якія ніхто не верыць.
Чытаць далей »

Як падставіць Беларусь?

Сяргей Салаўёў — Tue, 27 Dec 2011 17:05:47 +0000

Беларускія ўлады, здаецца, вырашылі пасварыцца з усім сусветам, акрамя Расіі.

19 снежня ў Мінску тры актывісткі Femen Іна Шаўчэнка, Аксана Шачко і Аляксандра Нямчынава правялі перформанс каля будынка КДБ. Агаліўшыся па пояс, дзяўчаты на працягу некалькіх хвілін трымалі плакаты з надпісамі «Freedom to political prisoners» («Свабоду палітычным зняволеным») і «Жыве Беларусь!». Гэты ж лозунг, «Жыве Беларусь!», яны скандавалі. Акцыя была прымеркаваная да гадавіны разгону апазіцыйнага мітынгу 19 снежня 2010 года, удзельнікі якога былі не згодныя з афіцыйнымі вынікамі прэзідэнцкіх выбараў. Чытаць далей »

Як збегчы з тэлебачання

Сяргей Салаўёў — Fri, 16 Dec 2011 07:29:08 +0000

Штосьці неверагоднае зараз адбываецца ў Белтэлерадыёкампаніі. Падаецца, што адтуль пачаўся масавы сыход. Прычым пасады пакідаюць амаль топавыя асобы, якіх мы ўжо прызвычаіліся бачыць на экранах Беларускага тэлебачання.

13 снежня Лукашэнка разгледзеў кадравыя пытанні. У выніку сваю пасаду пакінуў Аляксандр Мартыненка, намеснік старшыні Белтэлерадыёкампаніі. Ён не пісаў заявы на звальненне — яго папросту “сышлі”.
Чытаць далей »

Хутка Новы год

Сяргей Салаўёў — Fri, 09 Dec 2011 09:49:53 +0000

Яшчэ не наступіла сярэдзіна снежня, але, здаецца, ужо поўным ходам ідзе падрыхтоўка да Новага года. На плошчах паставілі елкі, упрыгожаныя крамы, некаторыя ўжо запальваюць гірлянды, рэстараны прапануюць “навагодняе меню”. І шмат хто думае аб наступствах святкавання і планах на 2012 год.

З 10 снежня ў Мінску стартуе “антыпетардная” спецаперацыя. Барацьбу з нелегальнымі гандлярамі петардамі і іншай піратэхнікай супрацоўнікі мінскай міліцыі будуць праводзіць сумесна з калегамі з гарадскіх падраздзяленняў МНС і падатковай інспекцыі.Чытаць далей »

Датэрміновы парламент?

Сяргей Салаўёў — Thu, 01 Dec 2011 22:11:15 +0000

Парламенцкія выбары ўсё бліжэй і бліжэй. Нават нягледзячы на тое, што да іх застаецца амаль год. Тэму падрыхтоўкі да парламенцкіх выбараў абмеркавалі 28 лістапада Аляксандр Лукашэнка і старшыня Савета Рэспублікі Нацыянальнага сходу Анатоль Рубінаў.

Чытаць далей »

Назад на дзесяць гадоў?

Сяргей Салаўёў — Fri, 25 Nov 2011 09:50:26 +0000

Іншым часам словы кіраўніка дзяржавы выклікаюць нейкае непаразуменне. З аднаго боку, ён заклікае не вяртацца ў «ліхія 1990-я», а з іншага — не супраць, калі б мы вярнуліся на 10 гадоў у мінулае. Быццам яму невядомая і прыказка пра тое, што ў адну раку двойчы не ўвойдзеш.
Чытаць далей »

Завіслі?

Сяргей Салаўёў — Fri, 18 Nov 2011 07:11:58 +0000

Здаецца, беларуская судовая сістэма дае збоі. Калі раней усе казалі, што беларускі суд падначалены беларускай уладзе, то зараз у гэтым узнікаюць вялікія сумневы. Прынамсі, гэта вынікае з апошніх рашэнняў беларускіх судоў.

Беларускі ваенны суд 15 лістапада абвясціў рашэнне па “справе Грамовіча”. Амаль усім фігурантам вынесены апраўдальныя прысуды.
Чытаць далей »

Выбары ўжо на носе?

Сяргей Салаўёў — Fri, 11 Nov 2011 09:29:46 +0000

Выбары ў парламент яшчэ не абвешчаныя, але некаторыя раяць да іх рыхтавацца. І рыхтавацца тэрмінова. Бо не выключана, што выбары пройдуць значна раней, чым чакалася. «Таямніцу следства» ў сераду раскрыла расійская газета «Коммерсант».

Паводле расійскіх крыніц, улады Беларусі маюць намер правесці парламенцкія выбары ў красавіку наступнага года. Паводле «Коммерсанта», плануючы правесці датэрміновыя выбары, Аляксандр Лукашэнка разлічвае пазбегнуць ціску Захаду, які патрабуе ад яго дэмакратызацыі выбарчага заканадаўства.Чытаць далей »

Хто б мог падумаць!

Сяргей Салаўёў — Fri, 04 Nov 2011 08:53:57 +0000

Нарэшце, даспелі. Аляксандр Лукашэнка, выступаючы 29 кастрычніка перад выкладчыкамі Таджыкскага тэхнічнага ўніверсітэта імя акадэміка М.С. Асімі, заявіў, што настаў час “расчысціць дарогу для поўнафарматнага ўзаемадзеяння” з Захадам.

Канешне, не без агаворак. “Двайныя стандарты, якія прымяняюць еўрапейцы, спробы націску і ўжыванне санкцый не стануць канструктыўным элементам палітыкі”, — заявіў ён.
Чытаць далей »

Што такое «духоўнасць»?

Сяргей Салаўёў — Fri, 28 Oct 2011 08:32:52 +0000

На мінулым тыдні Аляксандр Лукашэнка заклапаціўся духоўнасцю і маральным абліччам беларусаў.

Звяртаючыся да пісьменнікаў, 25 кастрычніка на сустрэчы з членамі грамадскага аб’яднання «Саюз пісьменнікаў Беларусі», ён папрасіў іх смела ўзнімаць у сваіх кнігах сацыяльныя, светапоглядныя і маральныя праблемы сучаснасці. «Але не апускайцеся да вульгарнага ачарнення і пошласці», — прыводзіць словы Лукашэнкі прэс-служба прэзідэнта.
Чытаць далей »

Ключ на старт!

Сяргей Салаўёў — Fri, 21 Oct 2011 07:19:16 +0000

Здаецца, прэзідэнт «сінявокай» даў старт чарговай выбарчай кампаніі. Шляхам уважлівага чытання выбарчага кодэкса можна вызначыць, калі яна пачнецца. Выбары ў Палату прадстаўнікоў Нацыянальнага сходу Беларусі павінны прайсці не пазней за 26 верасня 2012 года. Менавіта гэтыя выбары і абмяркоўваліся на сустрэчы кіраўніка дзяржавы са старшынёй Цэнтральнай выбарчай камісіі Лідзіяй Ярмошынай.
Чытаць далей »