xxx

/ Інвестыцыі прыцягнуць цэнтралізавана

/ Інвестыцыі прыцягнуць цэнтралізавана

28-05-2010 / -

Аляксандр Лукашэнка падпісаў указ аб стварэнні «Нацыянальнага агенцтва інвестыцый і прыватызацыі».

Установа ствараецца на базе наяўнага РУП «Нацыянальнае інвестыцыйнае агенцтва», якое знаходзіцца ў падпарадкаванні Міністэрства эканомікі. Агенцтва будзе займацца прыцягненнем інвестыцый у Беларусь, у тым ліку падчас прыватызацыі дзяржаўнай маёмасці. Як перадае БелаПАН, структура будзе падпарадкавана ўраду і падсправаздачная наглядальнай радзе. Апошняя будзе здзяйсняць каардынацыю працы і кантроль за дзейнасцю агенцтва, прадстаўляць інтарэсы дзяржавы.

Раней намеснік міністра эканомікі Андрэй Тур заявіў, што сёлета Беларусь плануе прыцягнуць 5,6 мільярда долараў замежных інвестыцый. У асноўны капітал плануецца прыцягнуць 2,8 мільярда долараў. Ён зазначыў, што «за папярэднія чатыры гады датэрмінова забяспечана выкананне прагнозу па росту інвестыцый на пяцігодку». «Бягучая сітуацыя некалькі ўскладнілася, паколькі паўплываў фінансава-эканамічны крызіс, знізіліся магчымасці прадпрыемстваў і бюджэтнага фінансавання. Стратэгічна мы бачым выхад з гэтага ў росце замежных інвестыцый», — сказаў Андрэй Тур. Па словах чыноўніка, тэмп росту інвестыцый з замежных крыніц за першы квартал склаў 140 працэнтаў, іх доля ў агульным аб’ёме інвестыцый — 6,7 працэнта.
 

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Відэа

Усё Відэа

Юбілею Браніслава Тарашкевіча прысвячаецца

 Стыпендыяльная праграма імя Лэйна Кіркланда

Польска-Амерыканская Фундацыя Свабоды (фундатар Праграмы) разам з Польска-Амерыканскай Камісіяй Фулбрайта (адміністратар Праграмы)
АБВЯШЧАЮЦЬ АДКРЫТЫ КОНКУРС ДЛЯ КАНДЫДАТАЎ З УКРАІНЫ, БЕЛАРУСІ, РАСІІ, МАЛДОВЫ, ГРУЗІІ, АРМЕНІІ, АЗЕРБАЙДЖАНА, КАЗАХСТАНА І КЫРГІЗСТАНА НА АТРЫМАННЕ стыпэндый імя Лэйна Кіркланда НА 2011/2012 НАВУЧАЛЬНЫ ГОД.


Гэта праграма адрасавана маладым лідарам, якія маюць вышэйшую адукацыю і зацікаўлены ў развіцці дэмакратыі, гаспадаркі і грамадскай супольнасці ў сваіх краінах і ў сваім рэгіёне. Рэалізацыя праграммы адбываецца ў межах двух семестраў навучання ў польскіх ВНУ, аб’яднанага з дзвюх- або чатырохтыднёвымі прафесійнымі стажыроўкамі ў прыватных ці дзяржаўных установах Рэспублікі Польшча. 

 

Падрабязнае апісанне Праграмы, фармуляры заяў і інструкцыю па іх запаўненні можна знайсці на сайце: www.kirkland.edu.pl

 

Тэрмін складання заяў на стыпэндыі Кіркланда заканчваецца 1 сакавіка 2011

 У мінскім Палацы мастацтва (вул. Казлова,3) адкрыліся дзве выставы: “Проста жывапіс” Уладзіміра Сулкоўскага і “Акорды майго натхнення” Івана Пратасені

 

Выставы працуюць да 16 лютага
 

 

 

 

Яны вас чакаюць!

Рэсі — плюшавая дзяўчынка з пранікнёнымі вочкамі



Малечу Рэсі людзі закапалі жыўцом, разам з брацікамі і сястрычкамі. Але маці шчанюкоў знайшла іх і адкапала, клапацілася пра іх і здолела вырасціць. У Рэсі быў пераламаны таз, але і з гэтай бядой яна справілася — усё зраслося.

Жыццё не было ласкавым для маленькай Рэсі, але зараз яна жыве ў валанцёра “СуперПса” і верыць у тое, што заззяе і яе зорачка — знойдзецца той самы яе гаспадар. Ёй 5 месяцаў, ростам сабака зараз каля 30 сантыметраў, але яшчэ крыху падрасце.

Рэсі ўмее цаніць сяброўства і жыва рэагуе на любоў і пяшчоту, будзе выдатным кампаньёнам.

Тэлефануйце Анастасіі і прыязджайце знаёміцца з Рэсі і іншымі суперсабакамі і супершчанюкамі, 8-029 775 57 53
 

 

Алёша — містэр Вялікія Шчочкі



За нядоўгі час знаходжання ў прытулку “СуперКот” гэты каток ужо паспеў закахаць у сябе ўсіх валанцёраў і займець уласны фан-клуб. А як інакш? Алёша — спакойны, выхаваны, інтэлігентны малады коцік, ярка-руды з ахайнай белай манішкай. Ягоная прыгажосць, непасрэднасць і пяшчотнасць скарае з першага позірку!

Коцік кастрыраваны і ходзіць у латочак.

Болей пра Алёшу і іншых гадаванцаў Коткінага дому можна даведацца па нумарах 8-029 650-97-29 (Аксана), 8-029 373-96-49, 8-029 779-52-03 (Вольга).