/ Рэктар ЕГУ нагадвае Радзе Еўропы пра важнасць адукацыі для дасягнення зменаў

/ Рэктар ЕГУ нагадвае Радзе Еўропы пра важнасць адукацыі для дасягнення зменаў

28-01-2012 / -

Дзеля таго, каб у Беларусі адбыліся змены, неабходна выхаваць пакаленне беларусаў, здольных думаць самастойна.

Пра гэта заявіў на пасяджэнні Камітэта па палітычных пытаннях Парламенцкай Асамблеі Рады Еўропы (РЕ) заснавальнік і рэктар Еўрапейскага гуманітарнага ўніверсітэта (ЕГУ) Анатоль Міхайлаў. Рэктар падкрэсліў, што роля адукацыі ў гэтым працэсе з’яўляецца вырашальнай, а існаванне ЕГУ дае спадзеў на тое, што дэмакратычная адукацыя і самастойнае мысленне — магчымыя.

На пасяджэнні, датычным сітуацыі ў Беларусі, якое адбылося 23 студзеня, таксама выступілі беларускія апазіцыйныя актывісты Аляксандр Мілінкевіч, Анатоль Лябедзька і Аляксандр Фядута (апошні таксама з’яўляецца выкладчыкам ЕГУ). У пасяджэнні прымала ўдзел і Любоў Кавалёва, маці аднаго з двух маладых хлопцаў, прысуджаных да смяротнага пакарання за выбух, які адбыўся ў красавіку 2011 года ў мінскім метро.

25 студзеня Парламенцкая Асамблея Рады Еўропы прыняла рэзалюцыю па сітуацыі ў Беларусі. У рэзалюцыі звяртаецца ўвага на пагаршэнне сітуацыі з правамі чалавека ў краіне, пераслед журналістаў і актывістаў і бесчалавечнае абыходжанне з палітвязнямі.

Рэзалюцыя таксама ўтрымлівае рэкамендацыі — заклікі падтрымліваць грамадзянскую супольнасць і стварыць умовы, каб моладзь Беларусі мела магчымасць атрымаць адукацыю ў незалежным асяродку. У тэксце згадваецца і Еўрапейскі гуманітарны ўніверсітэт, які дзейнічае ў Літве: краінам-сябрам РЕ прапануецца яго падтрымаць.

Еўрапейскі гуманітарны ўніверсітэт — прыватны, некамерцыйны ўніверсітэт, заснаваны ў Мінску ў 1992 годзе. Пасля закрыцця ў Беларусі ў 2004 годзе ЕГУ працягнуў сваю працу ў Вільні. На цяперашні момант у ЕГУ навучаюцца каля 2000 студэнтаў, пераважна з Беларусі. ЕГУ прапануе магчымасці навучання на бакалаўрскіх, магістарскіх і доктарскіх праграмах, спрыяе прасоўванню навуковай дзейнасці ў галіне гуманітарных і сацыяльных навук.

Паводле прэс-службы ЕГУ
 

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/