Бадай, гэта найбольш “сістэмная” і гарманічная кніга аўтара, якая знітавалася з журналістыкі (газета і радыё), творчасці (проза, эсэ) ды навуковасці (філасофія, псіхалогія, грамадазнаўства і пад.). Нацыянальная “Энцыклапедыя паводзінаў” прапануе адказы на тое, “як бараніцца і галасаваць, дараваць і любіць, сябраваць і хітраваць”.

Атрымаўся двухбаковы падарунак на 50-гадовы юбілей аўтара — кніга, якая, паводле прызнання Аляксандра Лукашука, “замест дубовых запытаў “хто вінаваты?” і “што рабіць?” задае магічнае і музычнае, такое неістотнае і біблійнае, галоўнае для свабоды, вайны і кахання пытанне — “як?”.