/ Пяць год з дня забойства Веранікі Чаркасавай

/ Пяць год з дня забойства Веранікі Чаркасавай

20-10-2009 / Генадзь Кеснер

20 кастрычніка 2004 года ў сваёй кватэры ў Мінску была жорстка забіта вядомая журналістка, супрацоўніца незалежнай газеты “Салідарнасць” Вераніка Чаркасава. Злачынца, што па-зверску забіў Вераніку, дагэтуль не знойдзены.

Напярэдадні сумнага юбілею ў офісе ГА “Беларуская асацыяцыя журналістаў” (БАЖ) адбыўся вечар памяці журналісткі, у якім узялі ўдзел маці Веранікі, таксама вядомая журналістка Дыяна Чаркасава, айчым Уладзімір Мялешка, сябры і калегі загінуўшай. На пачатку прысутныя ўшанавалі памяць Веранікі хвілінаю жалобнага маўчання.

Па словах старшыні БАЖ Жанны Літвіной, сёння самае балючае пытанне, якое хвалюе блізкіх Веранікі, — гэта вынікі следства, якое так і не адказала, што ж адбылося 20 кастрычніка пяць год таму, хто забойца.

Галоўны рэдактар сайта БАЖ www.baj.by Вольга Бабак паведаміла, што 19 кастрычніка звязалася з пракуратурай горада Мінска, якая вядзе следства па справе аб забойстве Веранікі Чаркасавай. Следчы па асобых справах гарадской пракуратуры Сяргей Іваноў адмовіўся даваць інфармацыю па тэлефоне, чаго раней не было. З гэтай прычыны Вользе Бабак давялося ехаць у пракуратуру. Падчас сустрэчы спадар Іваноў паведаміў, што з моманту прыпынення справы ў лютым 2007 гора нічога новага ў матэрыялах не з’явілася. Такім чынам, можна зрабіць выснову, следства ні на крок не наблізілася да раскрыцця жорсткага злачынства.

Галоўны рэдактар “Салідарнасці” Аляксандр Старыкевіч выказаў меркаванне, што следства само не зацікаўлена ў раскрыцці забойства Веранікі Чаркасавай, гэтаксама як улады не зацікаўлены ў раскрыцці знікненняў Юрыя Захаранкі, Віктара Ганчара, Анатоля Красоўскага і Змітра Завадскага.

Удзельнікі вечарыны абмеркавалі пытанне правядзення конкурсу імя Веранікі Чаркасавай для беларускіх журналістаў. Паводле папярэдняй інфармацыі, да ўдзелу ў конкурсе будуць прымацца нарысы, эсэ, замалёўкі і іншыя журналісцкія матэрыялы, якія раскрываюць унікальнасць і непаўторнасць чалавечай асобы, яе ролю ў гісторыі, культуры, грамадстве. Падрабязнасці ўмоваў конкурсу будуць апублікаваныя бліжэйшым часам. 

20 кастрычніка родныя, сябры, калегі Веранікі Чаркасавай наведаюць Каладзішчанскія могілкі, дзе пахавана забітая журналістка.      
 

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Відэа

Усё Відэа

Юбілею Браніслава Тарашкевіча прысвячаецца

 Стыпендыяльная праграма імя Лэйна Кіркланда

Польска-Амерыканская Фундацыя Свабоды (фундатар Праграмы) разам з Польска-Амерыканскай Камісіяй Фулбрайта (адміністратар Праграмы)
АБВЯШЧАЮЦЬ АДКРЫТЫ КОНКУРС ДЛЯ КАНДЫДАТАЎ З УКРАІНЫ, БЕЛАРУСІ, РАСІІ, МАЛДОВЫ, ГРУЗІІ, АРМЕНІІ, АЗЕРБАЙДЖАНА, КАЗАХСТАНА І КЫРГІЗСТАНА НА АТРЫМАННЕ стыпэндый імя Лэйна Кіркланда НА 2011/2012 НАВУЧАЛЬНЫ ГОД.


Гэта праграма адрасавана маладым лідарам, якія маюць вышэйшую адукацыю і зацікаўлены ў развіцці дэмакратыі, гаспадаркі і грамадскай супольнасці ў сваіх краінах і ў сваім рэгіёне. Рэалізацыя праграммы адбываецца ў межах двух семестраў навучання ў польскіх ВНУ, аб’яднанага з дзвюх- або чатырохтыднёвымі прафесійнымі стажыроўкамі ў прыватных ці дзяржаўных установах Рэспублікі Польшча.

 

СПЕЦЫЯЛЬНАСЦІ:
• Эканоміка і кіраванне;
• Адміністрацыя/кіраванне (прадпрымальніцтва, недзяржаўныя арганізацыі, культура, ахова навакольнага асяроддзя, служба аховы здароўя);
• Грамадская адміністрацыя (цэнтральныя органы дзяржаўнай улады і органы мясцовага самакіравання);
• Права;
• Грамадскія навукі (грамадская псіхалогія, сацыялогія);
• Палітычныя навукі і міжнародныя адносіны;
• Палітыка развіцця і гуманітарная дапамога.

 

ХТО МОЖА СКЛАДАЦЬ ЗАЯВЫ?
У 2011/2012 навучальным годзе Праграма Кіркланда будзе адрасавана спецыялістам з наступных кірункаў:
• эксперты, палітыкі, супрацоўнікі органаў дзяржаўнай улады і ўстаноў мясцовага самакіравання;
• прадпрымальнікі, менэджэры;
• лідэры недзяржаўных арганізацый, грамадскія і культурныя дзеячы;
• выкладчыкі ВНУ;
• журналісты.

 

Падрабязнае апісанне Праграмы, фармуляры заяў і інструкцыю па іх запаўненні можна знайсці на сайце: www.kirkland.edu.pl

 

Тэрмін складання заяў на стыпэндыі Кіркланда заканчваецца 1 сакавіка 2011

 

Яны вас чакаюць!

Молі — самая вясёлая дзяўчынка ў свеце!



Яна заўсёды нешта выдумляе, можа гуляцца бясконца, нават на самы маленькі знак увагі адказвае бязмежнай радасцю! Яна вельмі любіць дзяцей, добра ладзіць з іншымі жывёламі. Молі яшчэ маладая — ёй амаль годзік, часам паводзіць сябе як дзіцё, таму шукае сям’ю, дзе ёй змогуць падараваць дастаткова ўвагі і займацца яе выхаваннем. І Молі адплаціць любоўю і адданасцю.

Рост кала 40 сантыметраў, стэрылізаваная. Яна добрая ахоўніца, звонкі званочак!

Молі апякаюць валанцёры, пакуль яна не сустрэнецца з ВАМІ!

Тэлефануйце! 8-029-775-57-53 Анастасія

-------------------------------------------------------

Эдвін — котка, якая ніколі не сумуе!


Нават калі няма кампаніі, яна можа і з уласным хвастом пагуляцца. Гэта не котка — а паласатая маланка з вусамі. Эдзі па натуры лідар, у яе востры розум і арыгінальны погляд на звычайныя прадметы. Яна цудоўна ведае, што такое латочак. А яшчэ не баіцца вады. Котцы 8 месяцаў.