/ Змітру Бандарэнку спатрэбіцца яшчэ адна аперацыя

/ Змітру Бандарэнку спатрэбіцца яшчэ адна аперацыя

04-02-2012 / Генадзь Кеснер

Палітычнаму вязню Змітру Бандарэнку, хутчэй за ўсё, спатрэбіцца яшчэ адна аперацыя на хрыбце. Пра гэта карэспандэнту “Новага часу” паведаміла жонка апальнага палітыка Вольга Бандарэнка пасля тэлефоннай размовы з мужам, якая адбылася ў суботу, 4 лютага.

Па словах Вольгі, стан здароўя Змітра застаецца кепскім. “Аднак пасля таго, як ён напісаў, што ў яго адымаюць мыліцу, яму адразу ж яе вярнулі. Адміністрацыя магілёўскае калоніі зноў прызнала Дзіму хворым”, - паведаміла Вольга Бандарэнка.

Змітру нядаўна было адмоўлена ва ўмоўна-датэрміновым вызваленні. Апроч таго, ад 30-га студзеня ў папраўчай установе, дзе знаходзіцца Зміцер Бандарэнка, набылі моц новыя правілы дачынна палітвязня. Адміністрацыя калоніі вырашыла зрабіць больш складанымі ўмовы ўтрымання Змітра Бандарэнкі, нягледзячы на тое, што ўжо ў вязніцы ён перанёс вельмі цяжкую аперацыю на хрыбце. “Каланісты” забаранілі Змітру карыстацца мыліцай, адмовілі ў праве карыстацца спецыяльным артапедычным абуткам, які перадала мужу Вольга. Бандарэнку таксама больш не дазвалялі ўдзень ляжаць у ложку, вязень мусіў хадзіць нароўна з іншымі зняволенымі, працаваць. “Дзіма сказаў па тэлефону, што яму на сто працэнтаў спатрэбіцца новая аперацыя. 1 лютага ён напісаў прашэнне аб памілаванні”, - паведаміла жонка палітвязня.

Падчас апошняй кампаніі па выбарах кіраўніка дзяржавы ў 2010 годзе Зміцер Бандарэнка быў даверанай асобай кандыдата ў прэзідэнты Беларусі Андрэя Саннікава. Зміцер з’яўляецца таксама адным з каардынатараў грамадзянскай кампаніі “Еўрапейская Беларусь”.

Пры канцы красавіка 2011 года суддзя суда Першамайскага раёна Мінска Таццяна Равінская прыгаварыла Змітра Бандарэнку да двух гадоў пазбаўлення волі паводле часткі 1 артыкула 342 Крымінальнага Кодэкса Беларусі (арганізацыя групавых дзеянняў, якія груба парушаюць грамадскі парадак, і актыўны ўдзел у іх) за падзеі, якія мелі месца ў беларускай сталіцы ўвечары 19 снежня 2010 года. Мінскі гарадскі суд і Вярхоўны суд пакінулі вырак суда першай інстанцыі ў сіле. 

Нагадаем, што прашэнне аб памілаванні на імя Аляксандра Лукашэнкі яшчэ 20 лістапада мінулага года падаў і Андрэй Саннікаў, але ўлады хавалі гэты факт да таго моманту, пакуль палітвязня не наведалі спачатку ягоны адвакат, а крыху пазней жонка і маці. 23 снежня мінулага году на вялікай прэс-канферэнцыі Лукашэнка сказаў, што ніхто з палітвязняў прашэнняў аб памілаванні не пісаў. Цяпер ёсць ужо два факты такіх хадайніцтваў. Ці выйдуць вязні на волю, залежыць выключна ад таго, хто патрабаваў ад іх гэтых прашэнняў.   

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/