/ Грамадства просіць не забіваць

/ Грамадства просіць не забіваць

16-12-2011 / Генадзь Кеснер

Колькасць падпісантаў пад размешчанай у інтэрнэце петыцыяй супраць смяротнага пакарання Дзмітрыя Канавалава і Уладзіслава Кавалёва перавысіла 60 тысяч чалавек.

У беларускую амбасаду ў Польшчы перададзены звыш 500 подпісаў удзельнікаў канферэнцыі па правах чалавека. З заклікам памілаваць 25-гадовых хлопцаў да Лукашэнкі звярнулася Міжнародная федэрацыя правоў чалавека (FIDH).

Пяцьсот чатырнаццаць чалавек падпісаліся пад зваротам да кіраўніка Беларусі з просьбай аб памілаванні асуджаных. Як паведамляе Праваабарончы цэнтр “Вясна”, подпісы збіралі валанцёры групы “Гарызонт — супраць смяротнага пакарання”, Асацыяцыі “Адкрытая Рэч Паспаліта” (Otwarta Rzeczpospolita) і Хельсінкскага фонду па правах чалавека (ХФПЧ) на канферэнцыі “Правы чалавека — сучасны стан дыскусіі”.

Зварот падпісалі дакладчыкі і ўдзельнікі канферэнцыі, а таксама асобы, якія непасрэдна не прымалі ўдзелу ў канферэнцыі. Пад зваротам падпісаліся, у прыватнасці, Роберт Бадынтэр (Парыж, Універсітэт Сарбона; экс-старшыня Канстытуцыйнага савета Рэспублікі Францыі, вядомы сваёй дзейнасцю ў галіне адмены смяротнай кары), Данута Пшывара (старшыня ХФПЧ), Паула Савіцкая (старшыня Асацыяцыі “Адкрытая Рэч Паспалітая”, іншыя вядомыя праваабаронцы і выкладчыкі ўніверсітэтаў з многіх краін свету. Зварот быў высланы 12 снежня Аляксандру Лукашэнку праз амбасадара Беларусі ў Польшчы. Раней, 1 снежня, асацыяцыя “Адкрытая Рэч Паспалітая”, а 6 снежня — ХФПЧ і “Гарызонт” адправілі асобныя звароты.

У сваю чаргу, рэзка асуджае смяротныя прысуды, вынесеныя Дзмітрыю Канавалаву і Уладзіславу Кавалёву, Міжнародная федэрацыя правоў чалавека. “Супярэчлівыя сведчанні падчас суда выклікалі сумневы ў датычнасці абвінавачаных да арганізацыі выбухаў, — адзначаецца ў заяве FIDH. — Больш таго, назіральнікі паведамлялі аб сур’ёзных працэсуальных парушэннях падчас папярэдняга следства і судовага разгляду справы, дастатковых для таго, каб канстатаваць грубае парушэнне правоў абвінавачаных на справядлівы і бесстаронні суд, ні матывы, ні дакладныя абставіны злачынства не былі высветленыя ў судзе”.

“Мы не павінны мірыцца з ужываннем смяротнага пакарання ў цэнтры Еўропы”, — заявіла прэзідэнт FIDH Сухэйр Белхасен. — Характар гэтага пакарання цалкам супярэчыць міжнародным стандартам”.

Больш за 33 тысячы чалавек падпісаліся пад асабістай петыцыяй маці Уладзіслава Любові Кавалёвай, у якой жанчына просіць людзей дапамагчы захаваць жыццё яе сыну. Да таго ж, днямі больш за 165 тысяч подпісаў, сабраных “Міжнароднай амністыяй” пад заклікам спыніць у Беларусі смяротнае пакаранне, былі адпраўлены па пошце на адрас Адміністрацыі беларускага кіраўніка.
 

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/