/ “Тыгровыя лілеі” ў “Рэактары”

/ “Тыгровыя лілеі” ў “Рэактары”

01-04-2011 / Ева Вайтоўская

Тыдзень таму мне патэлефанаваў сябар з Харкава і папрасіў купіць 5 квіткоў у мінскі клуб “Рэактар” на 10 красавіка. Так я даведалася, што ў Мінск прыязджае легендарны гурт “The Tiger Lilies”.

Яны ствараюць эклектычную і эксцэнтрычную музыку незвычайнай прыгажосці і эмацыйнай сілы аднымі толькі акустычнымі інструментамі, ператвараючы жывыя выступы ў эпатажнае шоў і вясёлы тэатралізаваны трэш. Яны спяваюць аб прастытутках і суцінёрах, нямоглых старых і інвалідах, трансвестытах і фрыках, наркаманах, бамжах і няўдачніках — і пра ўсё з вялізным пачуццём гумару.

Гурт існуе з 1989 года. І выступае паўсюль: ад цесных пракураных англійскіх пабаў да галоўных залаў усіх сталіц зямнога шара. Іх творчы наробак — 23 альбомы, іх супольны альбом з “Kronos Quartet” — “Gorey End” быў намінаваны на прэмію “Грэмі” ў 2003 годзе. Іх музыку выкарыстаў у фільме “Давай зробім гэта па-хуткаму” кінарэжысёр Сяргей Бадроў-старэйшы, пасля чаго ён зняў пра гурт поўнаметражную дакументальную кінастужку “The Tiger Lillies”.

Музыка “Тыгровых лілеяў” — для тых, хто адзначае народзіны ў лесе зімою, ходзіць па лужынах у квятчастых гумовых ботах і вешае цацкі на хмызы бэзу, якія толькі што адцвілі. Карацей — для такіх жа фрыкаў, як і яны самі. “Калі яны такія папулярныя, чаму яны не ў “Мінск–Арэне”? — здзіўляецца прадавачка квіткоў, атаварваючы ўжо дзясятага кліента за паўдня. “Яны не папулярныя — яны культавыя. Ёсць нюансы”, — папраўляюць у чарзе.

Два духоўныя пабрацімы адвязных брытанцаў у нашай музычнай прасторы — фрык-кабарэ “Серебряная свадьба” і гурт “Ленинград” Сяргея Шнурава. Юрэк Якубаў — той самы мой сябар з Харкава, лідар музычнага гурта “Раскардаш-аркестр” — так тлумачыць попыт на квіткі: “Мы едзем у Мінск, бо “Тайгер Ліліз” — гэта прыблізна наш жанр, бо мы любім змрочныя жарты і бо бліжэй да нашых краёў яны не бываюць. Ну а харошых фрык-кабарэ ў свеце не так шмат увогуле, каб прапусціць такі канцэрт”.

Жывы Гук
Квіткі:
60 000 — папярэдне ў касах горада
70 000 — у дзень канцэрту
80 000 — месца за столікам (1 паверх)
100 000 — месца за столікам (2 паверх)
Месцы продажаў:
ГЦ “Купалаўскі”, крама “BOOM. Свет навушнікаў”, пав.19
ГЦ “Рыга”, крама “BOOM. Свет навушнікаў”, пав.18
Інфалінія:
+37529 6782399
+37529 8782399

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/