/ «АССЕРТ» у Мінску

/ «АССЕРТ» у Мінску

18-02-2011 / Аляксей Хадыка

Да нас едзе «АССЕРТ» — 7 сакавіка ў рамках сусветнага тура, прысвечанага прэзентацыі новага альбому гурта «Blood Of The Nations», слынныя металісты з Германіі даюць сольны канцэрт у Палацы спорту.

Яны граюць гэтак жа, як гучыць нямецкая мова, — жорстка, структурна, выразна. А спяваюць па-англійску, але тэксты на няроднай ім мове пасля ранніх простасцяў ужо даўно набылі скончаную рафінаваную паэтычнасць.

Хто з сённяшніх састарэлых прыхільнікаў не сумаваў па разбітым каханні пад гукі «Can’t Stand The Night» з трэцяга альбому групы 1981 года «Breaker», на якім першасны склад музыкаў выйшаў да свайго назаўсёды пазнавальнага стылю? Тады адзін журналіст напісаў: «Ці ведаеце, як спраўдзіць — металюга вы ці не? Няма чаго прасцей: калі на вашай паліцы дагэтуль няма альбому «Accept» 1981 года «Breaker», вы зусім не разумееце, чым ёсць хэві-метал». Потым быў еўрапейскі тур «на разагрэве» ў «Judas Priest» — апошні раз, калі «ACCEPT» хоць кагосьці «саграваў», потым — бліскучая незалежная кар’ера.

Нехта скажа: зноў у Мінск з’явіліся пенсіянеры! Песню з альбома 1993 года «Objection Overruled», з прыпевам па-іспанску «Amamos la Vida» я б раіў пасля 19 снежня слухаць усім беларусам — «жыццё цудоўнае», бо, як спявае ў ёй гурт, «часам багі паварочваюцца да цябе спінай, а сёння павернуцца тварам».


Новы альбом у 2010 годзе таксама атрымаў ужо вельмі добрую прэсу: «Гук ідэальна выпеставаны брытанскім апаратчыкам Эндзі Сніпам — ён дакладны, не пыхае навязлівай архаічнасцю пад «АССЕРТ» старога ўзору, прыемна прапускаючы як рыфы, так і вытанчаную мелодыку. Першае, што кідаецца ў вочы, — павышэнне хуткасці і напор». Што ж, не выпадкова «АССЕРТ» лічаць бацькамі спід-металу — хуткага металу.

Варта дадаць, што па версіі вельмі паважанага рэсурсу DigitalDreamDoor (DDD) «ACCEPT» займае 43-е месца сярод 100 лепшых хэві-метал гуртоў, 9-е сярод 100 найвялікшых паўэр-метал выканаўцаў, і 159-е сярод найбольш слынных рок/поп зорак свету 1980-х гадоў. Прыходзьце, слухайце: квіткі на канцэрт ужо ў продажы, іх кошт — ад 85 да 215 тысяч рублёў.
 

  • Printer-friendly version
  • Send to friend
Аўтар: АЛЯКСАНДР
Дата: нядз, 20/02/2011 - 23:30  #
Навошта паставілі фотку з турнэ 2005 году з Удо? Людзі прыйдуць на Дыркшнайдэра, а там новы саліст Марк Тарнільё, адчуюць сябе ашуканымі. Незалежнай белмоўнай газэце трэба быць заўсёды праўдзівай :)
 
Аўтар: Savas
Дата: суб, 17/03/2012 - 11:45  #
Going to put this atrlcie to good use now.
 
Аўтар: Facundo
Дата: пан, 19/03/2012 - 07:12  #
You have shed a ray of susnihne into the forum. Thanks!
 

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/