Адзін з аспектаў беспрацоўя ў наш час - палітычнае беспрацоўе. Гэта тыя людзі, якіх звольнілі па палітычных матывах, ці за актыўную грамадзянскую дзейнасць. Ігар - актывіст з Гомелю, якога звольнілі менавіта за палітычную дзейнасць Каб не звальняць людзей і не павялічваць шэрагаў беспрацоўных, кіраўніцтва шмат якіх прадпрыемстваў займае сваіх працаўнікоў няпоўны працоўны тыдзень або адпраўляе іх у адпачынак. Паводле афіцыйных звестак, у студзені-траўні рэжым абмежавання працоўнага часу закранаў 241 тыс. асобаў, а 116,7 тыс. з ініцыятывы працадаўцаў былі адпраўленыя ў адпачынак, з іх 20,9 тыс. адпраўленыя ў адпачынак без выплатаў. Відавочна, што афіцыйныя звесткі не адлюстроўваць сапраўднага становішча. Тым не менш узровень беспрацоўя ў Беларусі ніжэйшы, чымся ў шмат якіх іншых краінах. У часе крызісу ў нас не вызваліліся працоўныя масы, як гэта адбываецца ўва ўсім свеце, яны толькі сышлі на скарочаны рэжым працы. У Беларусі ўжо адчуваецца паніжэнне прыбытковасці прадпрыемстваў, але дабрабыт насельніцтва рэзка не зменшыўся. Калі ўлічваць рэальнае беспрацоўе, у тым ліку няпоўную занятасць, то яго ўзровень будзе сягаць прыблізна 9-ці адсоткаў. Глядзіце ток-шоў "Форум" на тэлеканале Белсат у нядзелю 13 снежня ў 20.15, а таксама выказвайцеся ў каментарах.