/ Арланда Сапата Тамайя

/ Арланда Сапата Тамайя

Аўтар: editor
Дата: пят, 26/02/2010 - 10:00

Кубінскі дысідэнт спрабаваў адстойваць свае правы з дапамогай галадоўкі. Аднак галадоўка закончылася трагедыяй. На 86-м дні пратэсту Арланда памёр. Апошнія дні ён знаходзіўся ў шпіталі, куды яго перавялі з турэмнай камеры. Нябожчык належаў да групы з 75 дысідэнтаў, якіх арыштавалі ў 2003 годзе. Суд прыгаварыў яго да 28 гадоў турмы за непадпарадкаванне органам бяспекі. Хаця Арланда яшчэ пашанцавала: пракурор патрабаваў 36 гадоў пакарання. Прыкладна паўгода таму Арланда патрабаваў палепшыць умовы ўтрымання ў камеры і дазволіць яго маці часцей яго наведваць (ёй дазвалялі візіт раз на тры месяцы). Пасля таго, як яму адмовілі, ён абвясціў галадоўку. Каментатары, дарэчы, маюць вялікі сумнеў, што маці нябожчыка дапусцяць на пахаванне. Арланда стаў другім кубінскім дысідэнтам, які памёр у выніку галадоўкі. Застаецца дадаць, што навіна пра смерць Арланда выклікала вялікі рэзананс у колах эміграцыі. Усе радыёстанцыі, якія працуюць для кубінскай аўдыторыі ў Маямі, перапынілі трансляцыі, каб паведаміць пра смерць дысідэнта. Лінкальн Дзіяс-Баларт, сенатар ЗША кубінскага паходжання, выказаў афіцыйнае спачуванне родным Арланда і назваў яго смерць «злачынствам тырана Кастра».

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Відэа

Усё Відэа

Аб'явы


Дабрачынны распродаж

Сустаршыня Аргкамітэта па святкаванню 600-годдзя Грунвальдскай перамогі мастак Мікола Купава абвяшчае пра продаж некаторых сваіх твораў.
Мастак разлічвае на тое, што атрыманыя ад продажу карцін сродкі дазволяць кампенсаваць частку выдаткаў Аргкамітэта на падрыхтоўку і адзначэнне 600-годдзя Грунвальдскай перамогі. У першую чаргу маецца на ўвазе выраб Грунвальдскіх харугваў, паездка на Грунвальдскае поле ды стварэнне банераў-плакатаў.

Мікола Купава запрашае беларускіх патрыётаў прыняць удзел у дабрачыннай акцыі.

Забяспечаным і неабыякавым грамадзянам прапануецца набыць творы Міколы Купавы, сярод якіх акварэль “Вільня. Замак”, “Вечар у Ляўках”, “Менск. Верхні горад”, “Менск пач. ХХ ст.”, а таксама партрэты Янкі Купалы, Якуба Коласа, Алаізы Пашкевіч, Фрацішка Багушэвіча, выкананыя ў тэхніцы лінарыт і іншыя.

Тэлефоны для кантактаў: (029) 551-32-36. (017) 306-33-17

 

 Беларус з Буэнас-Айраса шукае землякоў з-пад Клецка

На адрас электроннай пошты «Новага часу» прыйшоў ліст з Аргенціны, з Буэнас-Айраса.  Даць увесь тэкст даслоўна не выпадае, бо аўтар, як ён сам адзначыў, карыстаўся электронным перакладчыкам, таму сэнс некаторых фраз не зусім зразумелы. Прыводзім асноўны змест ліста.

Мяне завуць Карлас і я пішу гэты ліст, каб папрасіць вас дапамагчы. Я шукаю каго-небудзь з вёскі Заостровечье (так у тэксце, у тэме электроннага ліста аўтар пазначыў яшчэ і так: Клецк-Заостровечье, засценок Б. БОРKA). Каго-небудзь, хто хоча звязацца з кім-небудзь з Аргенціны. Шукаю не абавязкова сваякоў, а проста ўраджэнцаў, жыхароў Заостровечья, каб пазнаёміцца з гэтымі людзьмі па электроннай пошце.
Мае бабулі і дзядулі жылі  ў Заостровечье (Б. БОРKA).
СУШЧЭВІЧ дзявоцкае прозвішча маёй маці.

Калі ласка, ці не маглі б вы дапамагчы ў пошуку? Я магу гаварыць на італьянскай і
англійскай мовах.

Я прашу вашай дапамогі ў маіх пошуках, каб знайсці кантакт у гэтым горадзе.

Прывітанне з Аргенціны
Буэнас-Айрэс

Carlos Occhiuzzi (Карлос Сущевич)
Электронны адрас: carzzy2003@hotmail.com