/ Вільня. Месцы Беларускай Прысутнасьці

/ Вільня. Месцы Беларускай Прысутнасьці

28-02-2009 / maryjka

У некаторых беларусаў, што прыяжджаюць у Вільню, ёсьць дзіўная манія - апынуўшыся ў Спрадвечнай Сталіцы, пешкі выпраўляцца ў шпацыр па месцах Беларусай Прысутнасьці. Месцы гэтыя не такія ўжо й шматлікія, але затое огого якія культавыя. Вострая Брама,беларуская друкарня насупраць касьцёла сьвятой Ганны, касьцёл сьвятога Барталамея ў Зарэччы... Але адно зь іх уразіла мяне найболей - няхай яно адно з самых культавых і самых абавязковых для пакланеньня ўсім, хто ў сілу нейкіх абставінаў адрозьнівае літару Ў ад літараў Й і У з шапачкай. 

"Базыльянскія муры" непадалёк ад Вострай Брамы і царква Найсьвяцейшай Тройцы (загалоўны здымак узяты зь неацэннага рэсурсу www.radzima.org). 

Гэта адзін з найстарэйшых праваслаўных храмаў Вільні, наколькі я разумею, не зусім заснаваны Канстанцінам Астрожскім - але ж у каменнай вэрсіі збудаваны ім на месцы старога драўлянага пасьля бітвы пад Воршай у 1514 годзе. Асабіста для мяне калісьці той факт, што пасьля перамогі над Зямлёй Праваслаўнай пераможца фундуе менавіта праваслаўную сьвятыню заўсёды быў сьведчаньнем: продкі вельмі нават адмяжоўвалі веру ад геапалітыкі. 

У Базыльянскіх мурах месьцілася Віленская беларуская гімназія, а ў 1823-24 годзе тут былі ўвязьненыя філяматы ды філярэты, у іх ліку Адам Міцкевіч і Ігнат Дамейка.  

Стары даглядчык Траецкай царквы, паляк, як ён прадставіўся, пачушы беларускую мову, сказаў, што ў яго жонка была беларуска з-пад Маладэчна і запрасіў нас усярэдзіну. Царква ў мізэрным стане - грошай на рэстаўрацыю небагата. У савецкія часы тут была майстэрня па выпрабаваньні матэрыялаў на трываласьць: магутныя прэсы скаланалі сьцены, гэта падарвала іх былую магутнасьць. 

Затое менавіта ў гэтай царкве я пабачыла самы прыгожы алтар з тых, што калі-кольвек бачыла:



Праца студэнтаў мастацкай вучэльні... А яшчэ даглядчык паказаў нам самае каштоўнае, што ў царкве захавалася: пліту с зацемам пра тое, што храм фундаваў князь Астрожскі:



Цудоўнае месца. І сапраўды: беларусам добра там, дзе іх ужо няма:).

 

Пакінуць новы каментар

Значэнне поля не будзе паказанае публічна.

Відэа

Усё Відэа

Юбілею Браніслава Тарашкевіча прысвячаецца

 Стыпендыяльная праграма імя Лэйна Кіркланда

Польска-Амерыканская Фундацыя Свабоды (фундатар Праграмы) разам з Польска-Амерыканскай Камісіяй Фулбрайта (адміністратар Праграмы)
АБВЯШЧАЮЦЬ АДКРЫТЫ КОНКУРС ДЛЯ КАНДЫДАТАЎ З УКРАІНЫ, БЕЛАРУСІ, РАСІІ, МАЛДОВЫ, ГРУЗІІ, АРМЕНІІ, АЗЕРБАЙДЖАНА, КАЗАХСТАНА І КЫРГІЗСТАНА НА АТРЫМАННЕ стыпэндый імя Лэйна Кіркланда НА 2011/2012 НАВУЧАЛЬНЫ ГОД.


Гэта праграма адрасавана маладым лідарам, якія маюць вышэйшую адукацыю і зацікаўлены ў развіцці дэмакратыі, гаспадаркі і грамадскай супольнасці ў сваіх краінах і ў сваім рэгіёне. Рэалізацыя праграммы адбываецца ў межах двух семестраў навучання ў польскіх ВНУ, аб’яднанага з дзвюх- або чатырохтыднёвымі прафесійнымі стажыроўкамі ў прыватных ці дзяржаўных установах Рэспублікі Польшча.

 

СПЕЦЫЯЛЬНАСЦІ:
• Эканоміка і кіраванне;
• Адміністрацыя/кіраванне (прадпрымальніцтва, недзяржаўныя арганізацыі, культура, ахова навакольнага асяроддзя, служба аховы здароўя);
• Грамадская адміністрацыя (цэнтральныя органы дзяржаўнай улады і органы мясцовага самакіравання);
• Права;
• Грамадскія навукі (грамадская псіхалогія, сацыялогія);
• Палітычныя навукі і міжнародныя адносіны;
• Палітыка развіцця і гуманітарная дапамога.

 

ХТО МОЖА СКЛАДАЦЬ ЗАЯВЫ?
У 2011/2012 навучальным годзе Праграма Кіркланда будзе адрасавана спецыялістам з наступных кірункаў:
• эксперты, палітыкі, супрацоўнікі органаў дзяржаўнай улады і ўстаноў мясцовага самакіравання;
• прадпрымальнікі, менэджэры;
• лідэры недзяржаўных арганізацый, грамадскія і культурныя дзеячы;
• выкладчыкі ВНУ;
• журналісты.

 

Падрабязнае апісанне Праграмы, фармуляры заяў і інструкцыю па іх запаўненні можна знайсці на сайце: www.kirkland.edu.pl

 

Тэрмін складання заяў на стыпэндыі Кіркланда заканчваецца 1 сакавіка 2011

 

Яны вас чакаюць!

Молі — самая вясёлая дзяўчынка ў свеце!



Яна заўсёды нешта выдумляе, можа гуляцца бясконца, нават на самы маленькі знак увагі адказвае бязмежнай радасцю! Яна вельмі любіць дзяцей, добра ладзіць з іншымі жывёламі. Молі яшчэ маладая — ёй амаль годзік, часам паводзіць сябе як дзіцё, таму шукае сям’ю, дзе ёй змогуць падараваць дастаткова ўвагі і займацца яе выхаваннем. І Молі адплаціць любоўю і адданасцю.

Рост кала 40 сантыметраў, стэрылізаваная. Яна добрая ахоўніца, звонкі званочак!

Молі апякаюць валанцёры, пакуль яна не сустрэнецца з ВАМІ!

Тэлефануйце! 8-029-775-57-53 Анастасія

-------------------------------------------------------

Эдвін — котка, якая ніколі не сумуе!


Нават калі няма кампаніі, яна можа і з уласным хвастом пагуляцца. Гэта не котка — а паласатая маланка з вусамі. Эдзі па натуры лідар, у яе востры розум і арыгінальны погляд на звычайныя прадметы. Яна цудоўна ведае, што такое латочак. А яшчэ не баіцца вады. Котцы 8 месяцаў.