kiesnier's blog

Адны раўнейшыя за іншых

kiesnier — Mon, 30 Jan 2012 13:24:00 +0000

Беларусь — дзіўная краіна. У тым сэнсе, што ў нас ёсць некалькі катэгорый грамадзян. Адны — гэта тыя, для каго пісаныя законы і якія мусяць гэтыя законы выконваць. І іншыя — тыя, хто прыдумляе гэтыя самыя законы, зацвярджае іх, але выконваць не спяшаецца. І не імкнецца. То бок, усё выключна па Оруэлу — “усе жывёліны роўныя, але некаторыя раўнейшыя за іншых”. Чытаць далей »

Ці будуць гэтыя народзіны апошнімі?

kiesnier — Tue, 17 Jan 2012 15:45:15 +0000

17 студзеня споўнілася 26 гадоў віцябляніну Уладзіславу Кавалёву, якога Вярхоўны суд Беларусі пры канцы мінулага года разам з ягоным аднагодкам, таксама віцяблянінам Дзмітрыем Канавалавым прыгаварыў да смяротнага пакарання. Абодвух маладзёнаў прызналі вінаватымі ў ажыццяўленні тэрарыстычнага акту на станцыі метро “Кастрычніцкая” ў Мінску летась 11 красавіка.
Чытаць далей »

Расчараванне і страх

kiesnier — Thu, 01 Dec 2011 15:52:23 +0000

Вельмі шмат людзей апошнімі месяцамі сачылі за судовым працэсам над Дзмітрыем Канавалавым і Уладзіславам Кавалёвым. Натуральна, хацелася, каб пакаранне за жудасную трагедыю, якая надарылася 11 красавіка на станцыі “Кастрычніцкая” ў гадзіну пік (17.56) і якая каштавала жыццяў пятнаццаці чалавек, да таго ж яшчэ і пакутаў сотняў пацярпелых, панеслі тыя, хто здзейсніў выбух. Але ці тыя прыгавораны да расстрэлу?
Чытаць далей »

Не страляйце!!!

kiesnier — Tue, 29 Nov 2011 18:23:59 +0000

30 лістапада суддзя Вярхоўнага суда Беларусі Аляксандр Федарцоў агучыць прысуд па, бадай, самай рэзананснай справе апошняга дзесяцігоддзя — па справе аб выбуху на станцыі “Кастрычніцкая” мінскага метрапалітэну. Трагедыя, якая надарылася за некалькі хвілін да шостай гадзіны вечара 11 красавіка 2011 года, у “час пік”, каштавала нам 15 жыццяў і сотні параненых.
Чытаць далей »

Ці заб’е дзяржава двух сваіх грамадзян?

kiesnier — Mon, 14 Nov 2011 14:37:50 +0000

У панядзелак, 14 лістапада, намеснік генеральнага пракурора Беларусі Аляксей Стук, які прадстаўляе бок абвінавачання ў справе аб тэрарыстычным акце ў мінскім метрапалітэне 11 красавіка бягучага года, а таксама аб выбухах у Мінску ноччу 4 ліпеня 2008 года і ў Віцебску ў 2005 годзе, прапанаваў суду пакараць абвінавачваемых Дзмітрыя Канавалава і Уладзіслава Кавалёва расстрэлам без канфіскацыі маёмасці.

Канавалаў абвінавачваецца ў непасрэдным здзяйсненні тэрактаў, а Кавалёў — у пасобніцтве і неданясенні аб злачынстве.
Чытаць далей »

Лядовае “пабоішча” з “чэхаўскім” сцэнарам

kiesnier — Mon, 07 Nov 2011 15:12:52 +0000

Тое, як завяршылася чарговая гульня ў рамках чэмпіянату Кантынентальнай хакейнай лігі (КХЛ) паміж мінскімі дынамаўцамі і расійскім (з гораду Чэхаў) калектывам “Віцязь”, не ўкладаецца ні ў якія межы разумення аматара хакея, да кагорты якіх я сябе таксама адношу. Зладжанае мардабойства і рукапрыкладанне аўтарства самай скандальнай і бруднай у плане гульнёвай дысцыпліны расійскай каманды ўжо выклікала шчырае і справядлівае абурэнне як у Беларусі, так і ў самой Расіі ды іншы краінах, прадстаўнікі якіх гуляюць у КХЛ.
Чытаць далей »

Сваіх трэба падтрымліваць

kiesnier — Mon, 31 Oct 2011 16:40:20 +0000

Я катэгарычна не падзяляю меркаванні некаторых суайчыннікаў з дэмакратычнага лагера, якія, калі гаворка ідзе пра вялікі спорт, прытрымліваюцца пазіцыі: чым горай, тым лепш. Маюцца на ўвазе дасягненні беларускіх спартоўцаў, якія часам вельмі ўдала прадстаўляюць нашу краіну на міжнароднай арэне.
Чытаць далей »

Чэргі як сімвал паўсядзённай рэчаіснасці

kiesnier — Sat, 24 Sep 2011 20:24:08 +0000

Сённяшняя рэчаіснасць нагадвае тое, што адбывалася дваццаць-трыццаць год таму, пры канцы існавання савецкай імперыі і на пачатку існавання незалежнай, суверэннай Беларусі. Калі хто ўжо не памятае, нагадаю: у той час паўсюль і заўжды былі чэргі.

Чэргі ў касы ў дзень заробку і авансу, чэргі па білеты на цягнікі, чэргі да ўчастковага ўрача, чэргі на флюараграфію, чэргі па каўбасу ці супавых курэй, чэргі на мэблю і машыны, чэргі, чэргі, чэргі. А што мы маем сёння, у ХХІ стагоддзі? Тое ж самае.
Чытаць далей »

Жахлівая трагедыя і чалавечая салідарнасць

kiesnier — Thu, 08 Sep 2011 19:10:25 +0000

Навіна пра страшэнную авіякатастрофу пад расійскім Яраслаўлем, што надарылася ў 16.05 паводле маскоўскага часу 7 верасня, звалілася нібы град у сонечнае бясхмарнае надвор’е. Загінулі 43 чалавекі — каманда хакеістаў, трэнераў і персаналу яраслаўскага “Лакаматыву”, у тым ліку тры нашы суайчыннікі — зорка сусветнага хакею, лепшы хакеіст Беларусі Руслан Салей, “надзея лёду” Сяргей Астапчук і спецыяліст па фізічнай падрыхтоўцы, ураджэнец Мінска Мікалай Крываносаў.
Чытаць далей »

Сасіска як норма сучаснага рацыёну

kiesnier — Sun, 04 Sep 2011 19:10:25 +0000

Тое, што адбываецца ў Беларусі пасля майскай дэвальвацыі, б’е па ўсім людзям, але найперш па самым малазабяспечаным шыхтам насельніцтва. Кожны, хто час ад часу альбо рэгулярна бывае ў крамах ці на рынках, заўважае, як сумна стаяць ля прылаўкаў мужчыны і жанчыны сталага веку. Прычым, паўсюдна. Глядзяць на прадукты харчавання, якія яшчэ можна набыць, і не рашаюцца на пакупкі. Бо не па кішэні.
Чытаць далей »

Чыгуначныя дзівосы

kiesnier — Tue, 23 Aug 2011 05:58:44 +0000

Тое, што наша краіна вельмі адрозніваецца ад іншых, даўно ўжо не сакрэт. І не толькі сваёй асаблівай сацыяльна-эканамічнай мадэллю, сваім знешнепалітычным курсам і ўнутранай палітыкаю, але і стаўленнем уладаў да сваіх суграмадзян, якіх чыноўнікі, мякка кажучы, недаацэньваюць, у тым ліку і ў псіхічна-псіхалагічным плане. Гэтым разам закранем дзіўны выпадак, звязаны з грамадскім транспартам.
Чытаць далей »

“Наша ніва” пакуль уратавана. Што чакаць “Народнай волі”?

kiesnier — Tue, 12 Jul 2011 15:54:14 +0000

Самыя страшныя чаканні дачынна лёсу найстарэйшай беларускай газеты “Наша Ніва”, дзякуй Богу, не спраўдзіліся. 12 ліпеня Міністэрства інфармацыі Беларусі адклікала свой пазоў аб ліквідацыі папулярнага выдання. Гэта адбылося на судовым паседжанні, якое прайшло ў аўторак у Вышэйшым гаспадарчым судзе краіны.
Чытаць далей »

Паляванне на нашага брата

kiesnier — Fri, 08 Jul 2011 06:44:21 +0000

Зноўку кароткастрыжаныя пачвары ў цывільным, без апазнавальных знакаў, палявалі на журналістаў. 6 ліпеня 24 супрацоўнікі як беларускіх, гэтак і замежных СМІ зведалі на ўласнай скуры, што такое тутэйшая сістэма, дакладней, яе рэакцыя, калі гаворка ідзе пра небяспеку, няхай віртуальную, прывідную, для цяперашняй улады. Дзвюногія пачвары палююць на людзей – жудасная беларуская рэальнасць.
Чытаць далей »

Навошта траціць грошы?

kiesnier — Sat, 02 Jul 2011 19:18:40 +0000

Нічога не маю супраць святаў. Асабліва вялікіх, вясёлых. Калі яны, канешне, да месца і калі ёсць сродкі, каб іх адзначаць. Толькі вось паўстае пытанне: ці стаўся б сапраўдны гаспадар ладзіць грандыёзнае гульбішча, калі ў яго ў кішэні засталося грошай хіба што толькі на гэтае самае гульбішча?
Чытаць далей »

Тэатр абсурду ці наўмысныя дзеянні?

kiesnier — Thu, 23 Jun 2011 19:24:25 +0000

Сотні затрыманых па ўсёй краіне, зламаныя насы, збітыя маладзёны, суды па артыкуле Кодэкса аб адміністратыўных правапарушэннях за “дробнае хуліганства” – такія вось сумныя вынікі чарговай мірнай акцыі “маўклівага” пратэсту, якая адбылася ўвечары 22 чэрвеня 2011 году. Што ж гэта адбываецца ў краіне, якую яе кіраўнік называе самай мірнай і стабільнай?
Чытаць далей »

Паўгады пасля Плошчы

kiesnier — Mon, 20 Jun 2011 04:28:30 +0000

19 снежня 2010 года ўвайшло ў найноўшую гісторыю Беларусі. Але не таму, што ў той дзень адбываліся чацвертыя прэзідэнцкія выбары. Тая марозная нядзеля запомніцца самым жорсткім за дваццаць год незалежнасці разгонам “сілавікамі” мірнай акцыі пратэсту, у якой узялі ўдзел дзясяткі тысяч мірных грамадзян нашае краіны.
Чытаць далей »

Невясёлая будзённасць

kiesnier — Wed, 15 Jun 2011 18:30:23 +0000

Як бы не хацелася забыцца на цяжкі эканамічны стан, у якім апынулася Беларусь, ад гэтага нікуды не падзецца. Калі заходзіш у крамы (а як жа ж без гэтага?), то ахоплівае нейкая разгубленасць. І ўзнікае пытанне: а як жа выжываюць нашы людзі з мінімальным дастаткам?
Чытаць далей »

“Мірны” атам? Ды ну яго…

kiesnier — Tue, 31 May 2011 20:52:38 +0000

Пакуль афіцыйнае беларускае кіраўніцтва нібы з пісанай торбай, не маючы грошай і псіхалагічнай падтрымкі, носіцца з ідэяй будаўніцтва ў самай экалагічна чыстай частцы нашае краіны (на Астравеччыне Гродзенскай вобласці) уласнай атамнай электрастанцыі, самрэчныя цывілізаваныя дзяржавы паказваюць прыклад таго, што атамная энергетыка не мае будучыні і ўвогуле шкодная як для чалавечага здароўя, гэтак і для эканомікі. Тым больш, тых суб’ектаў міжнароднага права, якія не ў стане гарантаваць мінімальнае чалавечае існаванне сваім падаткаплатнікам.Чытаць далей »

Азлабленне нацыі

kiesnier — Thu, 26 May 2011 15:23:32 +0000

Пасля таго, што адбылося 24 мая, а менавіта пасля раптоўнага збяднення абсалютнай большасці насельніцтва Беларусі ў выніку 55-працэнтнай дэвальвацыі, сталі відавочныя змены ў саміх нашых людзях. Яны сталі больш злыя і больш агрэсіўныя.
Чытаць далей »

Коштавыя жарсці

kiesnier — Sat, 14 May 2011 18:11:54 +0000

Нацбанк, ці то ўрад, усё ж вырашылі адпусціць тутэйшы рубель ў свабоднае плаванне. І тут адразу стала відавочна, чаго рэальна каштуе нацыянальная грашовая адзінка. І справа нават не ў курсе, па якім “белым” ці “чорным” чынам можна набыць іншаземныя валюты. Справа ў цэнніках, якія мы сёння бачым у нашых крамах і ад якіх у людзей са слабым здароўем здараецца нешта кшталту гістэрычных прыпадкаў.
Чытаць далей »

Незаўважны юбілей

kiesnier — Fri, 08 Apr 2011 05:29:24 +0000

Яшчэ гадоў дзесяць-пятнаццаць таму за колькі тыдняў да гадавіны катастрофы на Чарнобыльскай АЭС у беларускім дэмакратычным асяродку ўсё б віравала і кіпела.Чытаць далей »

Зусім не веснавы настрой

kiesnier — Thu, 31 Mar 2011 19:43:20 +0000

Падавалася б, ужо красавік на носе, вясна ўваходзіць у абсягі свайго валадарства, але настрой зусім не сонечны. І не толькі таму, што зноўку на вуліцы церушыць снег, што па начах яшчэ прымаражвае. А таму, што ў Беларусі працягваецца палітычная і эканамічная зіма.
Чытаць далей »

Йяханэс Раў цаніў кожнага чалавека

kiesnier — Sun, 13 Feb 2011 21:15:33 +0000

“Йяханэс раў. Жыццё палітыка – прамовы, лісты, фотаздымкі”. Прэзентацыя кнігі пад такім назовам прайшла 12 лютага на стэндзе Германіі ў рамках XVIII Мінскай Міжнароднай кніжнай выставы-кірмашу. Гэтая прэзентацыя выклікала павышаную цікавасць наведнікаў выставы, пра што сведчыла адсутнасць вольных месцаў падчас імпрэзы.
Чытаць далей »

Бывай, Танечка, і прабач… (на трагічную гібель Таццяны Сапач (Дубавец))

kiesnier — Tue, 28 Dec 2010 11:44:16 +0000

Яшчэ зусім нядаўна, на вечарыне да стагоддзя Яфіма Тараса, Ты мне сказала, што Вы з Сяргеем вырашылі вярнуцца ў Мінск з Вільні, дзе пастаянна жылі шмат год. Гэтая навіна мяне не столькі здзівіла, колькі ўзрадавала – цяпер з’яўлялася магчымасць бачыцца часцей, а не раз-пораз то ў нас тут, то ў сталіцы суседняй дзяржавы – нашай, як мы любілі казаць, гістарычнай сталіцы.
Чытаць далей »

На вуліцу выйшлі, а там…

kiesnier — Thu, 25 Nov 2010 17:25:33 +0000

Беларуская апазіцыя ў мінулую сераду нагадала свету пра сваё існаванне вулічнай акцыяй “Сыходзь!”. Скажу шчыра: мы з калегамі-журналістамі не чакалі, што 24 лістапада на Кастрычніцкую плошчу выйдзе тысяча чалавек (думалі, знчна менш), ды і самі дэмакраты, відаць, таго не вельмі чакалі. Але ў свой актыў гэтае мерапрыемства ўжо яны запісалі.
Чытаць далей »

Дзесяць кандыдатаў на адно прэзідэнцтва

kiesnier — Fri, 19 Nov 2010 08:51:30 +0000

Цэнтральная камісія Рэспублікі Беларусь па выбарам і правядзенню рэспубліканскіх рэферэндумаў на сваім паседжанні, якое адбылося 18 лістапада ў Палацы рэспублікі ў Мінску, зарэгістравала дзесяць кандыдатаў на пасаду прэзідэнта краіны, выбары якога пройдуць 19 снежня 2010 года. Некаторыя кандыдаты не ўласна атрымалі свае мандаты, а даслалі на цырымонію сваіх прадстаўнікоў. У паседжанні ЦВК прыняў удзел і кіраўнік групы назіральнікаў за выбарамі прэзідэнта Беларусі Бюро па дэмакратычным інстытутам і правам чалавека (БДіПЧ) АБСЕ пасол Герт Арэнс.
Чытаць далей »

Верагоднасць з’яўлення “адзінага” меншая за верагоднасць існавання жыцця на Марсе

kiesnier — Tue, 09 Nov 2010 10:11:28 +0000

Самыя апошнія надзеі на тое, што падчас сёлетніх прэзідэнцкіх выбараў у дзейнага кіраўніка дзяржавы з’явіцца прыстойны апанент з лагеру апанентаў улады, падаецца, сыходзяць у нябыт. Яшчэ не было рэгістрацыі кандыдатаў у прэзідэнты, а ў апазіцыі назіраецца яшчэ большы раздрай: ад сумеснай дзейнасці з іншымі так бы мовіць дэмакратычнымі прэтэндэнтамі на галоўную пасаду ў краіне адмовілася Партыя БНФ.
Чытаць далей »

Да здзіўлення беларускі Івянец

kiesnier — Tue, 19 Oct 2010 15:47:41 +0000

У мінулыя выходныя давялося праз шмат-шмат гадоў зноўку прыехаць у Івянец, што ў Валожынскім раёне Мінскай вобласці. І нагода была прыдатная – першы “Творчы кірмаш”, і надвор’е цудоўнае – хоць і халаднавата, бо восень напоўніцу ўступіла ў свае правы, але сонейка ўсё яшчэ прыпякала. Карацей, настрой быў, як кажуць, самае тое. Але праз колькі часу настрой гэты ў мяне яшчэ больш палепшыўся, і зараз патлумачу, чаму.
Чытаць далей »

Такія жаданыя подпісы

kiesnier — Fri, 08 Oct 2010 19:30:56 +0000

Прэтэндэнты на пасаду прэзідэнта Беларусі ды іхнія ініцыятыўныя групы працягваюць збор подпісаў дзеля вылучэння іх кандыдатамі ў кіраўнікі дзяржавы. Штодня ў розных кутках сталіцы можна ўбачыць пікеты як дзейнага дзяржаўнага галавы, гэтак і яго апанентаў. Пятніца 9 кастрычніка не стала выключэннем.

У плане крэатыўнасці палітычных суб’ектаў гэтая прэзідэнцкая кампанія крыху адрозніваецца ад папярэдніх у больш вясёлы бок. Некаторыя прэтэндэнты выкарыстоўваюць незвычайныя для нашых умоў формы прыцягнення падпісантаў.
Чытаць далей »

Адстаўка маскоўскага мэра – яшчэ адзін удар па Мінску?

kiesnier — Tue, 28 Sep 2010 20:38:08 +0000

Ранак 28 верасня пачаўся з самай гучнай палітычнай бомбы апошняга часу: прэзідэнт Расіі Дзмітры Мядзведзеў адправіў у адстаўку мэра Масквы Юрыя Лужкова, які кіраваў расійскай сталіцай васямнаццаць год. Прычым з фармуліроўкай, якая робіцца “ваўчыным білетам” для любога палітыка: “У сувязі са стратай даверу кіраўніка дзяржавы”. Аналітыкі адзначаюць, што сыход з пасады маскоўскага галавы Юрыя Лужкова можа стаць балючым ударам і па афіцыйнаму Мінску.
Чытаць далей »