/ Ці ёсць дзвюхмоўе станоўчым чыннікам?

/ Ці ёсць дзвюхмоўе станоўчым чыннікам?

20-02-2012 / kiesnier

18 лютага ў Латвіі адбываўся рэферэндум па пытанні надання рускай мове статуса другой дзяржаўнай мовы. Варта адзначыць, што гэтаму плебісцыту надавалі даволі вялікую ўвагу расійскія сродкі масавай інфармацыі, прычым складвалася ўражанне, што пытанне дзяржаўнай мовы ў адной з краін Еўрапейскага Саюза з’яўляецца ледзь не самым важным для Расійскай Федэрацыі.
 
Расійскія СМІ і раней, і зараз пішуць, гавораць і паказваюць, што ў краінах Балтыі нібыта праводзіцца шалёная антыруская палітыка, што рускамоўныя меншасці гэтых дзяржаваў падвяргаюцца ціску па моўных прыкметах, а ў Латвіі рускамоўныя нават не маюць грамадзянства і права голасу, магчымасці ўдзельнічаць у палітычным жыцці краіны.
 
Па-першае, хто хацеў, той ужо даўно вывучыў мову тытульнай нацыі, здаў адпаведны экзамен, атрымаў грамадзянства і вядзе паўнавартаснае жыццё грамадзяніна Латвіі (тое ж можна сказаць і пра іншыя краіны, дзе ёсць руская дыяспара). І нацыянальнасць тут гуляе далёка не першую ролю. Ну, а калі першую скрыпку ў некаторых гуляе “нацыянальная” рыса – элементарная лянота, то няма чаго на люстэрка ківаць.
 
Што да дзвюхмоўя, то тут “найлепшым” прыкладам можа быць Беларусь. Пасля ініцыяванага “маладым прэзідэнтам” сумнеўнага рэферэндуму ў маі 1995 года руская мова атрымала статус другой дзяржаўнай у нашай краіне. І чым гэта абярнулася? А тым, што мова народа-носьбіта суверэнітэту, мова тытульнай нацыі на тэрыторыі сучаснай Беларусі апынулася не проста ў заняпадзе, але сталася практычна выкінутай з сферы ўжытку на дзяржаўным узроўні. Ні першыя асобы, ні так званыя народныя абраннікі ў палаце прадстаўнікоў роднай моваю не карыстаюцца.
 
Грэбуюць беларускай моваю і чыноўнікі ўсіх узроўняў, у абсалютнай большасці выпадкаў адмаўляюцца весці працэсы па-беларуску тутэйшыя суддзі. Амаль усё справаводства ў краіне ідзе на мове суседняе дзяржавы. Даходзіць да такога, што ўсходнія суседзі, прыязджаючы ў Беларусь, непрыхавана здзекуюцца з беларускай мовы.
 
Мала таго, за тое, што ў голас размаўляеш на беларускай мове, вельмі лёгка апынуцца ў пастарунку, бо некаторыя “асабліва дасведчаныя і адукаваныя” ахоўнікі правапарадку блытаюць дзяржаўную беларускую мову з мацернай. А іншыя бачаць у носьбітах роднае мовы ворагаў рэжыму і хапаюць іх пры нагодзе і без яе.   
 Не валодае беларускай мовай і старшыня афіцыйнага Саюза пісьменнікаў, тады чаму здзіўляцца, што на паліцах кніжных крамаў засілле рускамоўнай літаратуры, а беларускую кнігу трэба яшчэ адшукаць.
 
Вось гэта сёння рэальныя вынікі ўвядзення сямнаццаць год таму ў Беларусі дзвюхмоўя. Таму маё шчырае перакананне палягае ў тым, што ў дзяржаве павінна заставацца дзяржаўнай толькі мова тытульнай нацыі. Інакш мова народу, асабліва невялікага па колькасці, прыгаворана да вымірання. Спадзяюся, што латышы, як і эстонцы, літоўцы, украінцы гэта добра разумеюць. Таму ў гэтых краінах адзінай дзяржаўнай захоўваецца родная мова. Спадзяюся і на тое, што калісьці да гэтага прыйдуць і беларусы. Калі, канешне, яшчэ застануцца тыя, хто можа гаварыць на матчынай мове

 

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/