/ Пры чым тут Таццяна?

/ Пры чым тут Таццяна?

28-01-2011 / chadyka

Некалькі дзён таму ў «Народнай волі» Анатоль Сідарэвіч паздзекваўся з захаванай ў Беларусі савецкай традыцыі адзначаць заімшэлыя фальшывыя даты. Сапраўды, якое дачыненне да беларускай арміі мае 23 лютага? 25  студзеня беларусы мелі магчымасць глядзець саладжавыя рэпартажы БТ пра быццам бы дзень беларускага студэнцтва – Таццянін дзень.

Пачаць варта з віншавання ўсіх нашых знаёмых Таццян з днём анёла. Праўда, паколькі Беларусь жыве па новам календары ўжо з канца 16 стагоддзя, нялішне будзе нагадаць, што Таццянін дзень – 12, а не 25 студзеня. 25 студзеня ён прыпадае па старым юльянскім календары, і ў Расіі, дзе ў некаторых злічэннях часу дагэтуль яшчэ не наступіў Рэнесанс, а працягваецца Сярэднявечча, Таццянін дзень лічаць па-старому.

Дзень студэнта звязваюць з заснаваннем у 1755 г. 23 студзеня (да нашых дзён юльянскі каляндар спазніўся яшчэ на двое сутак, і Таццянін дзень пераехаў на 25-е) указам царыцы Елізаветы першай расійскай ВНУ – універсітэта ў Маскве. Пры чым тут Беларусь, ВКЛ ці Рэч Паспалітая? Што, нашыя студэнты спрэс вучацца ў Маскве? Першы беларускі ўніверсітэт паўстаў значна раней, 1 красавіка 1579 г., у Вільні па ўказе Стэфана Баторыя. Пра гэта «НЧ» ужо пісаў пару год таму, адзначаючы, што «сусветны дзень дурняў» 1 красавіка значна лепш падыходзіць для нацыянальнага моладзевага свята. Весяліся і валяй дурня – хто час ад часу можа зрабіць гэта лепш за студэнтаў?

Пасля падзей у Мінску 19 снежня 2010 г. увесь свет убачыў, што нарэшце нараджаецца новы беларускі народ. Малады, адукаваны, мужны. Калі на плошчы 19 сакавіка 2006 г. са студэнтаў былі ў асноўным гісторыкі ды філолагі, то зараз сітуацыя радыкальна змянілася. Выказаць сваё стаўленне да будучыні краіны выйшлі студэнты розных ВНУ, і не толькі мінскіх. А пазней выразна засведчылі сваю салідарнасць. Навошта ім чужы Таццянін дзень? Да 1 красавіка яшчэ застаўся час. Можа, 2011 г. стане першым годам, калі беларускае студэнцтва здолее годна адзначыць сваё нацыянальнае студэнцкае свята? Выразна паказаўшы, хто ёсць дурнем у гэтай краіне.
 

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/