/ Найлепшы кастрат-2010

/ Найлепшы кастрат-2010

23-02-2011 / chadyka

20 лютага 2011 года пабываў на выставе котак у Палацы мастацтваў у Мінску. Такой колькасці наведвальнікаў пазайздросціць кожная мастацкая выстава. А колькі ўсмешлівых твараў дарослых: наведвальнікі песцяцца і гушкаюцца з дзецьмі, гаспадары котак – з наведвальнікамі, рэкламуючы свой пухнаты тавар. Дзеці смяюцца, плачуць, мяўкаюць, гаўкаюць і кыскыскаюць. Толькі коткі зацята маўчаць, чакакаючы ў сваіх стандартных вязнічках за кратамі і пластыкавымі агароджамі чарговай абвесткі арганізатараў пра вынас прэтэндэнтаў на перамогу і ўзнагароды ў суседнюю залу для замеру хвастоў, кіпцюроў і вушэй.

У цэнтральным шэрагу – арыстакратычнага выгляду чорна-белы кот з поўнай адсутнасцю якойсці рэакцыі на тое, што творыцца навокал. І з вялікім надпісам на таблічцы ў клетцы: “НАЙЛЕПШЫ КАСТРАТ 2010 ГОДА. 2-е МЕСЦА”. Як здзек з беднай, хаця гладкай і дагледжанай жывёліны – побач з ім у клетцы два маленькія пластыкавыя чорна-белыя кацяняты.

Уражанне дваістае. З аднаго боку – дзіцячае свята. З другога: а калі б якія марсіяне адабралі на Зямлі гэтакіх больш пародных асобаў, зрабілі ім чык-чык, і – на выставу для сваіх дзетак. З надпісам “найлепшы …”…

У сувязі з гэтым, каб павысіць настрой асобам, якія засумавалі, прачытаўшы напісанае, прапаную ўзяць ініцыятыву на сябе, і, апярэджваючы марсіян, правесці без фізічных экзэкуцый віртуальны конкурс “НАЙЛЕПШЫ ПАЛІТЫЧНЫ КАСТРАТ – 2010”.

Дасылайце свае гіпотэзы аўтару p_university@open.by, але з адпаведнай тэкставай аргументацыяй. З задавальненнем правяду экспрэс-аналіз прапаноў у адным з наступных запісаў у блогу.

Як затраўку прапаную выказаную у трансляцыі КВЗ за 20 лютага адной з камандаў версію, якую я разглядаю як неўсвядомленую (бо каманда пра конкурс нічога не ведала) заяўку на перамогу.

Намінант: загадчык інтэрната. Наратыўная частка: “Калі ва ўсім свеце было добра, у нас у інтэрнаце былі бульба і макароны. Калі ва ўсім свеце гахнуў крызіс, у нас у інтэрнаце засталіся бульба і макароны. Стабільнасць. Рабіце свае інвестыцыі ў стабільнасць!”

Удзельнічайце, пішыце!

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/