№ 199 (291) 18 траўня 2011
Масава-палітычная газета. Выдаецца з сакавіка 2002 г.
/ Замежныя СМІ пра Беларусь:28 студзеня - 3 лютага
03-02-2012 / -
У апошні час у Беларусі і ў зацікаўленых краінах шмат кажуць пра хуткую прыватызацыю дзяржаўных актываў рэспублікі. Маўляў, надышлі цяжкія часы, і А. Лукашэнка нават супраць сваёй волі пойдзе на продаж дзяржмаёмасці па даступных коштах. Мяркуючы па тым, што адбываецца, не пойдзе. Нядаўна прэзідэнт даручыў ураду прытрымаць продаж буйных прадпрыемстваў «да лепшых часоў», гэта значыць да таго моманту, як кошт гэтых актываў вырасце. Надзеі ж на гэта знікаюць на вачах, бо практычна ўсе дзяржаўныя прадпрыемствы не маюць магчымасці абнаўляць вытворчыя магутнасці і, як следства, з часам павінны толькі таннець.
РБК (Расія)
Беларускае тэлебачанне пачало паказ новай гучнай прэм’еры — серыяла «Талаш», знятага па матывах аповесці «Дрыгва» класіка беларускай літаратуры Якуба Коласа. Колас напісаў сваю аповесць у 1932–1933 гадах, падчас канфрантацыі бальшавіцкай Расіі і незалежнай Польшчы. У ідэалагізаваную літаратуру тых гадоў аповесць Коласа ўпісвалася ідэальна. Але калі яе ўвасобілі на Беларускім тэлебачанні, старая песня прыняла зусім новы выгляд — апісанне партызанскай вайны беларусаў з акупантамі-палякамі. Гэта можа сведчыць пра змены ў афіцыйнай ідэалогіі краіны. Яшчэ Аляксандр Лукашэнка пасля продажу рэшты газатранспартнай сістэмы вяртаецца да ідэі крэпасці, абложанай з Захаду. А абаронцамі гэтай крэпасці робяцца як самі простыя беларусы, так і пераможная Чырвоная Армія, якая прыходзіць ім на выручку з Расіі. І не бяда, што шматлікія расіяне не вельмі імкнуцца сёння атаясамліваць сваю краіну з бальшавікамі — галоўнае, каб дзед Талаш біў ненавісных палякаў на тэлевізійным экране.
«Политком» (Украіна)
З аднаго боку, з большай верагоднасцю мы ў выніку ўсё ж убачым Саннікава на волі. Эканамічнае і палітычнае становішча ў Лукашэнкі сёння горш няма куды, без дапамогі Захаду не абысціся — значыць, давядзецца выконваць іх палітычныя патрабаванні і выпускаць так званых палітвязняў. Але ў той жа час нельга выключаць і варыянту, што Саннікаву прыйдзецца адседзець адведзеныя яму 5 гадоў. Рызыка страціць кантроль над сітуацыяй у выпадку вызвалення ўсіх палітычных апанентаў усё адно вялікая. З іншага боку, вялікая і рызыка праспаць новы рост пратэстных дэмакратычных настрояў, якія гэтым разам могуць аб’яднаць у сваіх шэрагах не толькі нацыяналістаў, «свядомых» і «пятую калону».
«Грани» (Расія)
Еўразійскі саюз не можа быць трывалым, калі ў яго цягнуць сілай, выкручваючы рукі. Як прыклад можна ўспомніць нядаўнія падзеі ў адносінах паміж Масквой і Мінскам вакол беларускай газавай трубы, «малочную вайну» і самае сапраўднае інфармацыйнае ганенне Лукашэнкі ў расійскіх СМІ.
«Финансы» (Украіна)
Пакінуць новы каментар