/ Замежныя СМІ пра Беларусь: 21- 27 студзеня

/ Замежныя СМІ пра Беларусь: 21- 27 студзеня

27-01-2012 / -

Беларускія эксперты і палітыкі хоць і абмяркоўваюць тэму санкцый, але веру ў іх эфектыўнасць ужо даўно страцілі. Яны кажуць пра тое, што ўлада з лішкам кампенсуе неўязным у Еўропу службоўцам іх маральныя страты матэрыяльнымі выгодамі. Прадстаўнікі грамадскіх арганізацый баяцца зваротнай рэакцыі беларускіх улад на ўзмацненне жорсткасці санкцый, мяркуючы, што пад нож могуць пайсці апошнія сумесныя праграмы. Палітолагі рэкамендуюць брусэльскім службоўцам уважлівей прыгледзецца да расійскага досведу выбудоўвання адносін з Беларуссю і ўцягваць Лукашэнку ў арбіту свайго ўплыву выключна эканамічнымі метадамі.

«Независимая газета» (Расія)


Экспертная супольнасць была на рэдкасць аднадушна ў сваіх водгуках на словы Лукашэнкі пра палітычную рэформу. Выказаць рэакцыю беларускіх і еўрапейскіх аналітыкаў можна адным словам — не верым. Яны (словы пра рэформы) уяўляюць сабой спробу манеўру ў складанай сітуацыі, у якую патрапіў беларускі лідар. Папулярнасць Лукашэнкі рэзка зменшылася, у грамадстве расце запыт на палітычную альтэрнатыву. Але тое, як яна можа выглядаць, застаецца загадкай.

«Deutche Welle» (Германія)


Галоўным сігналам гатоўнасці да палітычных рэформаў стануць восеньскія выбары ў парламент Беларусі. У гэтым скліканні ўлада не прапусціла туды ніводнага апазіцыйнага дэпутата. Таму Захад усумніўся ў легітымнасці парламента і да мінімуму звёў кантакты з народнымі выбраннікамі. Ці пойдзе ўлада ў гэты раз на эксперымент, пакуль не зразумела, паколькі перадвыбарная кампанія ў краіне яшчэ не стартавала, і выразных заяў не прагучала. Аднак нават калі ўлада і вырашыць дапусціць у парламент пару-тройку апазіцыянераў, гэта зусім не значыць, што альтэрнатыўны пункт гледжання будзе ў ім прадстаўлены: беларуская апазіцыя пакуль не вырашыла, ці будзе яна наогул удзельнічаць у выбарах, ці арганізуе байкот.

«Новые Известия» (Расія)


Гутаркі пра развіццё партыйнай структуры ў Беларусі могуць казаць пра тое, што рэжым шукае дадатковых шляхоў легітымацыі, у тым ліку праз стварэнне партыі ўлады, якая будзе ад імя народа праводзіць тыя ці іншыя законапраекты, адводзячы непасрэдную палітычную пагрозу ад так званага кіраўніка дзяржавы. Таксама ў выпадку з’яўлення партыі ўлады варта чакаць стварэння кішэнных апазіцыйных партый, як гэта рэалізавана ў Расіі, дзе ўсе парламенцкія партыі з’яўляюцца марыянеткамі Крамля.

«Liberty» (ЗША)


Пакуль яшчэ нябачную рэарганізацыю палітычнай улады ў РБ узначальвае не афіцыйная празаходняя «апазіцыя» сістэме, якая толькі стварае патрэбны ідэалагічны фон, а функцыянеры сістэмы. Гэта кіраўнічая наменклатура з падвойнай мараллю. Вельмі верагодна, што хуткія выбары ў парламент Беларусі легалізуюць і зробяць гэту рэарганізацыю заўважнай.

«Baltnews» (Расія)
 

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/