/ Замежныя СМІ пра Беларусь: 19-25 лістапада

/ Замежныя СМІ пра Беларусь: 19-25 лістапада

25-11-2011 / -

Сёння перад эканомікай пытанне рэфармавання паўстала як ніколі востра. Паслухмяная беларуская наменклатура нават асмелілася спрачацца з прэзідэнтам, даказваючы неабходнасць рэформаў. Інакш, атрымаўшы танныя энерганосьбіты, Беларусь зноў падсядзе на расійскую энергетычную іголку, злезці з якой без поўнай страты суверэнітэту ўжо не зможа ніколі. Лукашэнка, забараняючы рэформы, сур’ёзна разлічвае вярнуць у 2012 годзе энергетычныя датацыі.

«Независимая газета» (Расія)


Беларусь як дзяржава знаходзіцца на мяжы банкруцтва: са студзеня інфляцыя імкліва павялічваецца, і, паводле прагнозаў міністэрства эканомікі, да канца года яна павінна скласці 100%. Кошты на прадукты выраслі ўтрая. На працягу шматлікіх гадоў Беларусь жыла не па сродках. Лукашэнка невысокай думкі пра свабодную рынкавую эканоміку. Расія ў 2007 годзе павялічыла кошт на нафту і прыродны газ, а праз год адбыўся сусветны эканамічны і фінансавы крызіс. У выніку прадпрыемствы ва ўсім свеце змушаны былі пайсці на значнае скарачэнне персаналу, а былы дырэктар саўгаса працягваў дзейнічаць так, як быццам нічога не адбылося. Большасць буйных прадпрыемстваў у Беларусі ўсё яшчэ знаходзяцца ў дзяржаўнай уласнасці. У апошні час ходзяць чуткі пра тое, што сотні гэтых прадпрыемстваў павінны быць прыватызаваныя за сімвалічны кошт у некалькі еўра.

«Spiegel» (Германія)


Супярэчлівыя ўказанні Лукашэнкі, па меркаванні экспертаў, сведчаць пра калапс улады, які ў выніку толькі ўзмоцніць усе негатыўныя тэндэнцыі ў беларускай эканоміцы. У большасці сваёй яны адмаўляюць верагоднасць таго, што Беларусь зможа выйсці з крызісу без змены ўлады.

«Новое время» (Арменія)


Ключавым момантам у ціску на беларускі рэжым будзе супольная пазіцыя ЗША і ЕС па пытанні вылучэння Міжнародным валютным фондам крэдыту Беларусі ў памеры 8 мільярдаў долараў. У сваёй афіцыйнай заяве, апублікаванай пасля таго, як дэлегацыя фонду вярнулася з Мінска ў мінулым месяцы, МВФ досыць выразна даў зразумець, што вылучэнне крэдыту рэжыму Лукашэнка хуткім часам не адбудзецца.

«Voice of America» (ЗША)


Узнікае пытанне: што ж сама РФ будзе рабіць з расійска-беларускім эканамічным супрацоўніцтвам праз яшчэ пару гадоў? Зразумела, што адразу ж пасля ўступлення ў Сусветную гандлёвую арганізацыю шматлікія нормы, з якімі пагадзіліся расійскія перагаворшчыкі, дзейнічаць не будуць. Пройдзе два, максімум тры гады — і Маскве давядзецца прызнаць, што адносіны з Мінскам, якія дазволілі дыктатару Аляксандру Лукашэнку выбудаваць на тэрыторыі Беларусі адну з самых неэфектыўных эканомік еўрапейскага кантынента, зараз не проста невыгодныя Расіі, але і супярэчаць яе міжнародным абавязальніцтвам. Менавіта таму РФ варта задумацца не пра тое, як абараніць Беларусь ад Украіны, а пра тое, як абараніць яе ад самой сябе.

«Коммерсантъ» (Украіна)

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/