/ Замежныя СМІ пра Беларусь: 1- 6 студзеня

/ Замежныя СМІ пра Беларусь: 1- 6 студзеня

06-01-2012 / -

Лукашэнка мог бы змяніць старшыню Цэнтрвыбаркаму, калі б планаваў пачаць нешта рэфармаваць у практыцы правядзення выбараў ці хоць бы паказаць адпаведны намер. Пакуль, мабыць, усё застанецца, як ёсць. Таму Лукашэнка і пакідае Ярмошыну на пасадзе. Сфармаваны склад Цэнтрвыбаркаму не здольны самастойна прымаць рашэнні або нават прапанаваць меры па дэмакратызацыі выбарчай практыкі. Гэта цалкам правераныя людзі, якія даказалі сваю лаяльнасць рэжыму.

“Delfi” (Літва)


У Беларусі ёсць сацыяльны кантракт. Насельніцтва не прэтэндуе на вялікія палітычныя свабоды, але ўлада павінна забяспечваць сацыяльныя гарантыі, стабільнасць. У 2010 годзе Лукашэнка па аб’ектыўных прычынах пачаў парушаць умовы гэтага кантракту. Грошай у бюджэце не стала. З’явіліся праблемы з вядучымі прадпрыемствамі. А ў 2011 годзе ўпершыню паўстала пытанне пра тое, што ўжо могуць мець месца банкруцтвы, закрыццё прадпрыемстваў. Гэта для сацыяльна арыентаванай беларускай эканомікі — поўны крах. І тут як нельга дарэчы прыйшлася наша прапанова пра льготы на газ і на энерганосьбіты ў цэлым. Чатыры гады Лукашэнка выйграў. Гэта будзе 2015 год, па разліках эканамістаў, яму больш нічога не застанецца прадаваць. Там яшчэ ёсць нейкія мінімальныя актывы, але больш у беларускай эканоміцы гандляваць няма чым.

“Голос России” (Расія)


У новы год Беларусь увайшла з новым органам, які падпарадкаваны непасрэдна Аляксандру Лукашэнку. Новая, падобная на амерыканскі ФБР спецыяльная служба павінна дапамагчы прэзідэнту ўтрымаць уладу. Служба называецца Следчы камітэт. Яна падпарадкавала сабе фактычна ўсіх беларускіх следчых і прыняла ўсе следчыя справы ў краіне. Стварэнне новага органу следства на фоне таго, як іншыя згубілі гэтую функцыю, — рэвалюцыя ў сістэме ўлады. Аляксандр Лукашэнка, які, як і іншыя аўтарытарныя правадыры, здаецца, баіцца палацавага перавароту, утрымліваў шэраг спецыяльных службаў. Гэта прыводзіла да войнаў паміж групоўкамі. У апошнія часы ўплыў сілавікоў дадаткова вырас. Баючыся іхняй фронды, Лукашэнка стварыў новы суперорган, які будзе кантраляваць усіх. Змены ў структуры службаў таксама звязаны з эканамічным крызісам і падзеннем папулярнасці Лукашэнкі.

“Gаzeta Wyborcza” (Польшча)


З вельмі высокім узроўнем верагоднасці працягнуцца два вельмі негатыўных працэсы ў Беларусі: па-першае, адток кваліфікаваных кадраў і таленавітай моладзі, першым чынам, у Расію, па-другое — высокая інфляцыя, якая ўжо негатыўна адбілася як на курсе нацыянальнай валюты Беларусі (беларускага рубля), так і на прыбытках шырокіх мас насельніцтва. У сваю чаргу, адміністратыўнае ўмацаванне беларускага рубля разам з іншымі фактарамі прывядзе да павелічэння адмоўнага сальда гандлёвага балансу Беларусі.

“REGNUM” (Расія)

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Беларусы нагадалі пра "мірны атам" і палітвязняў

Усё Відэа

Краязнаўчы фестываль

 Беларускае Радыё Рацыя вярнулася ў літоўска-беларускі эфір

З 1 мая перадачы Радыё Рацыя можна пачуць на хвалях «Радыё з-над Віліі» (103,8 FM), якое транслюецца з Вільні.

Наша праграма гучыць з 21.30 па 22.00 літоўскага і беларускага часу. У будзёны дзень у ёй можна пачуць апошнія навіны Беларусі, актуальныя матэрыялы нашых карэспандэнтаў, а таксама расповеды пісьменніка Уладзіміра Арлова пра гісторыю Беларусі у цыкле перадач «Адкуль наш род». У суботу акрамя навінаў гучаць актуальныя культурніцкія матэрыялы і перадача пра гісторыю Гародні «Імёны Гародні». У нядзелю можна пачуць перадачы пра мастацтва, музыку, інтэрнэт, кампутары.

Слухаце Беларускае Радыё Рацыя на літоўска-беларускім памежжы.

Нашы беларускамоўныя перадачы будуць гучаць у эфіры «Радыё з-над Віліі» (103,8 FM) да 1жніўня.
 

 

ПАДРАБЯЗНЕЙ >>>

 

 ГА “Таварыства беларускай мовы імя Францішка Скарыны”
У межах выканання праекта “Захаванне культурнай спадчыны праз удзел у краязнаўчай дзейнасці” ладзіць


Краязнаўчы фестываль

28 мая 2012 г.


Праграма фестывалю:


10.00 – 11.00   Рэгістрацыя ўдзельнікаў.
11.00 – 13.00 – дыскусійныя пляцоўкі па тэмах:
                1) Валанцёрскі рух на Беларусі: набыткі, поспехі, перспектывы.
                2) Ахова помнікаў як дзяржаўны клопат і як праява грамадзянскай пазіцыі.
                3) Перспектыўныя накірункі развіцця турызму ў Беларусі.

13.00 – 14.00 Абед

14.00 – 16.00 — Прэзентацыі, майстар-класы, кірмаш рамёстваў.
16.00 – 16.45 — Выступ этна-, фольк-выканаўцаў.
16.45 – 17.00 — Закрыццё фестывалю.


Мерапрыемства адбудзецца ў памяшканні Нацыянальнага гістарычнага музея Рэспублікі Беларусь (вул. К.Маркса, 12, г. Мінск).


Запрашаем да ўдзелу!

Заяўку з указаннем формы ўдзелу (дыскусійная пляцоўка, або майстар-клас...) просім даслаць на эл. адрас siadziba@gmail.com з пазнакай – Фестываль.
Іншагароднім удзельнікам фестывалю гарантуецца аплата праезду і аплата выдаткаў на харчаванне.


Шаноўнае спадарства! Калі вы хочаце больш даведацца пра дзейнасць ТБМ, завітайце на наш партал: tbm-mova.by


 

ЯНЫ ВАС ЧАКАЮЦЬ!

Шэлі — ласкавая дзяўчынка з годным позіркам

 

Нягледзячы на цяжкія ўмовы жыцця, Шэлі захавала спакой і выхаванасць. Хоць выгляду Шэлі і грознага, але добра ставіцца да дзяцей. Ёй толькі тры гады, ростам каля 50 сантыметраў, тыгравай афарбоўкі. Рыхтуецца да стэрылізацыі.

 

Валанцёр прытулку «СуперПёс» гатова пазнаёміць вас з прыгажуняй Шэлі, тэлефануйце: 8-029-775 57 53 (Анастасія).

 


 

Шансі — ідэальная котка

 

Цяжка зразумець, як беспраблемную ва ўсіх адносінах котку вырашылі здаць у пункт адлову на Гурскага, 42. Але ж здалі… Зараз Шансі чакае свой другі шанец знайсці ўтульны дом і клапатлівых гаспадароў. Характар у яе проста анёльскі: даецца ціскацца, калі гуляецца — не драпаецца, дазваляе сябе вычэсваць. Ненавязлівая, ахайная, ходзіць у латочак.

 

Шансі 2,5 гады, стэрылізаваная, прышчэпленая ад шаленства. Мае шыкоўнае срэбна-шэрае футра з белай манішкай.

 

Шансі прынясе радасць у ваш дом! Тэлефануйце валанцёрцы прытулку «СуперКот» Кацярыне: 8-029-378 78 26.

 


 

Болей катоў і сабак — у каталогах на форуме прытулку “СуперКот” http://forum.superkot.com/